Diabierna anochi na momento cu e festival di Calypsoy Roadmarch Infantil y Hubenil di Aruba su Carnaval mester a cuminsa esaki no tabata posibel mirando e awacero cu tabata yobe durante di henter atardi pa anochi. Debi na e mal tempo, compania di Luz y Zonido hunto cu METEO Aruba y tur stakeholders ta conseha pa pospone e evento di Calypsoy Roadmarch Infantil y Hubenil di Aruba su Carnaval. E evento aki lo mester a tuma luga na Centro di Bario Brazil, pero manera nos ta bin ta wak tur e dianan aki e tempo na Aruba ta un tempo di yobida y e conseho ta pa a para e evento aki. Awe ta bashando duro na San Nicolas y Brazil cu ta conseha pa para e evento aki te cu proximo aviso.
Evento di Calypso y Roadmarch Infantil y Hubenil posponi pa motibo di yobida
