Den un ambiente mane un famia den Christmas Dinner di Gonz Rider a instala seis miembro nobo cu lo forma parti di e grupo di Harly. Magaly Curiel Presidente di Gonz Rider a hiba palabra y ta gradici tur esunnan cu ta forma parti di e famia di Gonz Rider y tambe esunnan cu ta Big Supporters cu tambe ta presente.
E famia di Gonz Rider a crece mas lihe di loke a pensa,pero ta sigui crece. Den e speech Presidente di Gonz Rider ta gradici DIOS na prome luga cu a cuida cada un di nan cu ta riba caminda, crea e amistadnan cu tin rond y cu a cuida cada un di e Gonz Ridernan den tur momento.
Manera un famia mester keda cu simpatia cu otro y tin pasenshi cu otro ta algun di e puntonan cu ta spera di no cambia. Sinembargo e meta di Gonz Rider no ta pa e grupo bira grandi pa e esencia familiar y amistad keda. No semper ta di acuerdo cu otro pero cada un di nan como famia di Gonz Rider mester por mantene e respet na otro. Esaki ta loke ta haci Gonz Rider diferente cu e otro gruponan.
Miembronan nobo cu a wordo instala ta Wimpy “Wimpy” Werleman, Soraya “Soraya” Werleman Croes, Arnold “Totto” Malmberg., Ramfis “Primz” Gomez., Garibaldi “Pig-Pen” Geerman. Y Gilbert “Papi-G” Krozendijk. Bon bini na e 6 miembronan nobo den e neishi di Gonzalito.
Despues cu e miembronan a keda instala tabatin momentonan di premio y a pasa un rato ameno cu otro.
