Fiansa di COVID a keda firma forsosamente cu e condicionnan di Hulanda den aña 2020

Lider di fraccion di MEP Evelyn Wever Croes den parlamento ta indica cu corectamente pome minister Mike Eman ta pone den contexto dicon Aruba ta unda e ta para actualmente. E debe cu Aruba tin actualmente ta debi na un pandemia cu Aruba a haya su mes aden, e debe no ta un debe cu a pone pa haci un proyecto. E tabata un momento scur y dificl pa Aruba unda cu mester a cera frontera, Avion y turista no tabata bin Aruba mas,hende nan mester ta cera den cas, hopi hende a perde trabou. Na e momento ey dos di cada tres adulto tabata depende di gobierno pa por a sobrevivi. Tambe gobierno di e tempo ey mester a percura pa e salud publico ta esun di mas miho y cu e yudansa ta disponibel. Esaki ta e motibo cu mester a fia placa na Hulanda na momento cu COVID a drenta Pais Aruba. E tempo ey Evelyn Wever CRoes ta prome minister di Pais Aruba y mester a scoge sea no ta firma y tur hende ta muri of cu ta firma pa scapa bo pueblo. Hulanda na su turno a probecha di e situacion di COVID y a pone Aruba lomba pa muraya pa trata di haya Aruba bek den su gara nan uzando e momento di mas dificil cu Aruba tabata aden cu ta COVID.