E entidad publico Saba y “Participation Company Caribbean Netherlands” (PMCN) di Fondo di Pension di Caribe Hulandes (PCN) recientemente a firma un Letter of Intent pa explora e desaroyo di facilidadnan pa cuido di mucha na Saba.
Via di e Letter of Intent, e partidonan a confirma nan intencion pa yea na un posibel sociedad den forma di un acuerdo di inversion den futuro cercano. Basa riba e acuerdo aki, PMCN posibelmente lo diseña, construi y financia un facilidad nobo pa cuido di mucha na Saba.
E entidad publico Saba ta den e proceso di compra di un tereno no desaroya ainda pa construccion di un facilidad di cuido di mucha cu ta hopi necesario. Aki den lo ubica tanto Laura Linzey Daycare Center y e programa di traimerdia cu ta wordo duna door di Saba Girls and Boys Sports Society.
Saba y PMCN lo explora un posibel structura comercial y legal, incluyendo, pero no limita, na e opcion di un tereno erfpacht na PMCN pa e duracion di por lo menos 20 aña. E acuerdo di inversion lo inclui tambe e areglonan di exploracion, gastonan di mantencion y loke ta haya bek di e inversion.
E Letter of Intent a wordo firma door di e Gobernador di Saba Jonathan Johnson y Managing Director di PMCN Walter Blijleven.
=-=-=
Gobernador Jonathan Johnson (banda robes) y Managing Director di PMCN Walter Blijleven, kendenan a firma e documento.
Fondo di Pension ta sondea posibilidadnan di partnership
