Miembronan di Curaçao Quota CLuba entregá pakete di pasku nan miembronan di Fundashon Hulp aan Auditief Gehandicapten (HAG).
Ya pa basta aña kaba, Curacao Quota Club, ta selebrá Pasku ku e miembronan di HAG, un fundashon ku for di 1985 ta dirigí su mes na guia e èks alumnonan di Skol Myrna Dovale; Skol pa mucha ku desabilidat oiditivo, pues ku ta surdu of ku no por tende bon, HAG ta un organisashon boluntario ku no ta risibí supsidio. Nan meta ta pa promové bienestar físiko, spiritual, sosial i tambe apoyo ékonomiko na esnan ku un hèndikèp ouditivo. Pa logra esaki HAG ta organisá regularmente charla i konferensha pa hende ku problema ku oido i nan famianan. Tambe kurso di kòmpiuter, di idioma, ekskurshon i otro aktividatnan solsial òf deportivo.
Tur aña Quota ta selebrá Pasku ku e grupo aki. E aña’ki, e normal nobo a buta ku Quota mester a kambia e sistema di e selebráshon.
For di mainta trempan, miembronan di Curacao Quota Club a sali pa rekohé paketenan speshalmente prepare ku kontenido pa pasa un dushi Pasku. Miembronan di Quota a kore den tur bario di Kòrsou pa entregá e bunita paketenan te na kas di kada persona ku ta miembro di HAG.
Tabata un eksperensia masha speshal. Hopi kara kontektu di esnan ku a risibí e pakete, esei a yena e miembronan di Quota ku un felisidat, ku hamas nan lo lubida.
