Danki pa aporta y engrandece e deporte di futbol di Aruba
Dia 23 di september 2023, Sport Vereniging Bubali a celebra 80 aña di aniversario na Bubali Sport Club. Presidente di Parlamento mr. Edgard Vrolijk a representa Minister di Deporte Endy Croes den e ocasion aki y a entrega Sport Vereniging Bubali un Reconocemento di Excelencia den nomber di Gobierno di Aruba. Tambe presente na e celebracion aki tabata Presidente di Arubaanse Voetbal Bond (AVB) Sr. Randolf Lacle, kende tambe a hiba palabra. Durante e actividad ceremonial a entrega e prome Premio Max Wolff na 12 persona cu a forma parti di e directiva y/of a hunga pa e organisacion. Minister Endy Croes ta felicita Presidente Sr. Ryan Figaroa, directiva y henter e ekipo di Sport Vereniging Bubali cu nan 80 aña di aniversario y ta gradici nan pa tur e añanan di dedicacion den e deporte di futbol na Aruba. 4D Deseo-Disciplina-Dedicacion-Determinacion.
