CuracaoPoliticaFeaturedInternacional

Frakshon di man ta pidi reunion riba situashon di covid-19 i hospital

Parlamento Di Korsou

Na e momento aki nos ta eksperensiando un ola di Covid-19 haltu atrobe. Esaki ta trese kun’e ku mester tuma diferente medida pa kontene e kantidat di kontagionan.

3 di yanüari ultimo minister presidente komo “opperbevelhebber” a indiká den un ruenda di prensa ku nos hospital CMC a bati bèl na tempu e situashon lo tabata otro. Tambe el a deklara ku RIVM no a duna indikashon na tempu ku Gobièrnu di Kòrsou por a aktua na tempu.

 

Pa nos e situashon aki ta di hopi preokupashon, mirando ku salubridat di nos pueblo ta bou di preshon enorme. Pa medio di nos areglo di estado i tratadonan internashonal gobièrnu tin e deber di soru pa aksesibilidat di kuido i di nivel pa nos komunidat.

 

Preshon bou di personal di kuido sigur esnan di CMC ta oumentando i no tin e sufisiente personal pa duna e kalidat di kuido ku nos tur ta desea. E situashon por yega ku no por garantisá nivel di kuido pa nos poblashon. Pueblo ta sinti falta di informashon, akshon pero tambe e falta di transparensia den duna informashon.

 

Konforme artikulo 33 di Reglamento di Orden di Parlamento, nos a pidi un reunion di komishon sentral. Pa e reunion aki nos a pidipresensia di Minister Presidente, Tim di Krisis i Gerensia di CMC. Nos apelashon ta na presidente di parlamento pa mas lihe posibel konvoká e reunion aki.

Related posts

Elvis Tijn Asjoe : No ta solamente riba un posibilidad a pensa , pero dos strategia pa por recupera e plaka bek

EA News Author

Ralph Richardson ex-mandatario di Sint Maarten: Despues di 35 aña Aruba a demostra di sa di e mantene e posicion autonomo

EA News Author

No a honra Parlamentario Sarah Wescott Wiliams pa agrega votacion riba agenda pa baha e Presidente di Parlamento

EA News Author

2 comments

Leave a Comment

Whatsapp Message