Recientemente 54 trahador pedagogico di differente centronan di cuido y guia di mucha a termina e curso di Prome Asistencia/CPR y Siguridad. E curso a wordo organisa pa Fundacion Pa Nos Muchanan y a consisti di dos dia intensivo unda a siña con pa practica Prome Asistencia CPR. E parti di “Prome Asistencia CPR” tabata na encargo di Rode Kruis y mester bisa cu cada Trahador Pedagógico a finalisa parti practico exitosamente y a recibi nan carnet cu lo ta valido pa 2 aῇa.
Riba e di dos dia a ricibi informacion di siguridad paden y pafo di nan Centro di Cuido y Siguridad di baby enfocando riba e aspecto di drumimento. E parti di “Siguridad paden y pafo di bo centro” tabata na encargo di FPNM y “Siguridad di Baby” tabata na encargo di Jeugdgezondheidszorg. Alabes a enfatisa ariba e importancia Siguridad di candela, plan di evacuacion y con pa haci uzo di un brandblusser cu a ser duna pa Brandweer Aruba.
Pa finalisa e curso den su totalidad a recibi un certificado.
Un curso exitoso tras di lomba caminda FPNM ta gradici Brandweer Aruba, Rode Kruis y Jeugdgezondheidszorg pa nan tremendo instruccion y ta felicita cada trahador pedagogico, deseando nan exito den nan trabou cu mucha!
