Diabierna mainta Parlamentario Xiomara Maduro tabata na West Deck na unda Fundacion Zinnia a informa tur presente cu denter di poco nan ta bay estrena e documentario “Bida ta Sigui.”
E documentario ta conmemora e di 10 aniversario di fayecimento di hoben Zinnia Croes, kende tabata victima di un accidente ocasiona pa un chofer coriendo auto bou influencia.
E meta di e documentario ta pa banda di conscientisa pa no core auto bou di influencia, enfoca riba salud mental, contando e storia con Zinnia su famia ta surpasa e momento dificil aki den bida, pasobra bida ta sigui.
Denter di poco Fundacion Zinnia lo estrena e documentario na Telearuba. “Ta importante pa e mensahe por yega na un publico grandi, specialmente cerca nos hobennan, y pesey nos ta haci un apelacion pa e documentario aki por wordo pasa na cinema tambe pa asina nos comunidad por wordo miho conscientisa,” tabata un deseo expresa pa Parlamentario Xiomara Maduro na Fundacion Zinnia riba e mainta informativo aki.
