CuracaoInternacional

Giovanni Atalita: Kòrsou na e momentunan aki ta na un krusada importante

Kòrsou na e momentunan aki ta na un krusada importante. Un krusada kaminda e mester disidí si e ta keda mantené esnan ku awe ta gobernando e pais aki, o e ta bai pa un kambio kaminda un horizonte nobo ta habri pa trese bek ku felisidat den e pais aki.

Un dje kosnan primordial ku mester atendé ku n’e ta pobresa den e pais aki. Pa esaki Kòrsou di nos tur den su 8 puntonan di lansa tin vários punto ku lo aportá na esaki.
Un otro punto importante ta kreamentu di kuponan di trabou. Pa esaki mester buska invershonistanan nobo pa krese ekonomia, miéntras ku subi ònderstant tambe ta un must. Ta p’esei mester hasi nos leinan fiskal mas fásil pa sektor priva por bolbe kuminsá invertí i buska invershonistanan pa krea kuponan di trabou nobo.
E momentu a yega pa awor stòp di para patras i bini dilanti komo un polítiko pa asina ei traha na bienestar di e pueblo di Kòrsou ku e stima asina tantu.
E kambio ta na kaminda. E felisidat di pueblo ta na kaminda i esaki lo ta un Gobièrnu nobo pa nos pais enkabesá pa Kòrsou di nos Tur liderá pa Amparo dos Santos. Giovanni Atalita i Kòrsou di Nos Tur ta kla pa trese e kambio positivo pa Kòrsou. E momentu a yega pa mas kara nobo den polítika di nos pais.
Ami kandidato nr. 6 tin amplio eksperiensha polítiko i ta para pa kambio i desaroyo positivo. Kòrsou di Nos Tur ta lucha pa igualdat, solidaridat i oportunidat pa un i tur. No mester lubidá ku Kòrsou ta di nos tur
RETONAN NA KORSOU
E retonan ku e pais aki ta konfrontando na e momentunan aki ta asina tantu, ku básikamente ta un maneho nobo ku hendenan nobo mester bini pa por dirigí e pais aki den e direkshon korekto. Pa ta mas konkreto, ta un desaster di maneho den tur sentido di palabra a ser hiba último 4 añanan ku a pasa, kaminda tabata traha struktura pa hòrta e pais aki i otro nan básikamente no tabata tin noshon di kiko nan tabata hasi.
Si di 2013 pa 2016 di akuerdo ku eks Minister di Finansa dr. Jose Jardim a bisa ku e estado finansiero di pais tabata den positivo pa despues bou di e maneho aktual, nos konosé défisitnan di miónes ku no tabata pa falta di Covid.
KÒRSOU A BAI ATRAS
Ta un bèrdat ku bou di maneho di PAR, MAN i PIN, pais Kòrsou a bai enormemente atras i e momentu a yega pa trese un kambio den e direkshon ku a pais aki ta bayendo, dor di kambia e partidonan ku último 3 aña i 8 luna a bin ta masakrá e pais aki na nan antoho. Pueblo a fada!
Komo kandidato Nr. 6 riba lista di Kòrsou di nos Tur, mi ta komprometé mi mes pa ta e bos di pueblo sigur den Parlamentu di Kòrsou o kualkier otro funshon ku mester sirbi e pais aki aden.
Fb Img 1612194016262

Related posts

Aruba ,Corsou, Sint Maarten y Hulanda a sinta hunto pa traha riba un miho formula di consensusrijkswet

EA News Author

Medaya di honor póstuma pa Jan Zwartendijk: e homber cu a salba miles di bida hudiu cu visa di Corsou

EA News Author

Tourism Corporation Bonaire ta firma kolaborashon ku músikonan di Hòfi Kultural

EA News Author

Leave a Comment

Whatsapp Message