InternacionalFeaturedHulanda

Gobierno di Hulanda kier trece mas cu 2100 persona for di Afganistan

Gobierno Di Hulanda Kier Trece Mas Cu 2100 Persona For Di Afganistan

E Gabinete di Rutte kier haci esfuerso grandi pa transporta mas cu 2100 persona for di Afganistan, bou di cual 320 ta Hulandes of personanan cu un permiso di estadia Hulandes.
A menciona cu na final di e mision Hulandes di evacuacion lo tin “sigur algun shen” Afgano cu lo a biaha pa Hulanda. Nan ta biaha riba nan mes of cu avionnan di aliadonan Europeo. Esaki e Gabinete a skirbi den un carta pa Tweede Kamer. Di e forma aki e mocion Belhaj, cu a pidi e Gabinete pa trece tur Afgano cu un conexion Hulandes pa Hulanda of ofrece nan un asilo, a pasa.
No ta conoci ainda con ta logra transporta e Afganonan pa Hulanda. Relaciona cu esaki, e gobierno a bin ta hibando deliberacion of combersacion cu organisacionnan di Nacionnan Uni manera UNJCR y organisacionnan di migracion IOM. Nan a bisa caba cu nan no por brinda un apoyo specifico pa saca e hendenan den un forma sigur for di Afganistan. Hunto cu otro paisnan cu ta sacando e personanan vulnerabel for di e pais, lo sigui cu combersacion cu e dos instancianan menciona.
A confirma caba cu tin 800 persona, incluyendo n an familia, cu por drenta Hulanda. Ta trata aki di 330 traductor of otro colaboradonan di un mision policial of di defensa Hulandes, 100 persona cu a traha pa un mision internacional, 42 colaborado di NAVO y 120 persona cu ta cay den e mocion di Belhaj.
Banda di e grupo aki, tin 800 persona pa kendenan e gobierno kier logra un “provision special”. Ta trata aki di colaboradonan den proyectonan di ayudo financia cu placa Hulandes, personanan cu ta traha pa misionnan militar of policial y fixernan pa periodistanan. Organisacionnan di ayudo por propone nan colaboradonan pa bini na remarca pa e tipo di ayudo aki.
Pa bini na remarca, e colaboradonan pa e fecha di 1 di januari, 2018 mester a traha den forma structura y continuo durante un aña den un funcion publico y visibel.
Miembronan di Parlamento di e partidonan di coalicion siman pasa caba mester a cuminsa pensa riba e carta. Miembro di Parlamento di D-66, Salima Belhaj, kende a bini cu e mocion, ta satisfecho cu un grupo di Afgano menasa lo wordo evacua pa Hulanda. EL a menciona tambe cu ta importante cu tur persona cu ta cay bou di e mocion Belhaj y cu no por wordo evacua, mester por haya un asilo na e pais. “Mi ta sigui vigila esaki,” el a bisa.
Despues di caida di Kabul, cu a pone cu henter Afganistan a cay bou regimen di Taliban, Hulanda a saca 2500 persona for di e pais. Despues riba un adres di email a drenta miles di email 35 email for di 20 mil adres di email, pidiendo ayudo. A separa e grupo cu a yega di traha pa Hulanda of Hulandesnan, mas esnan cu un permiso di estado. Cu e resto no a dicidi ainda kico ta bay haci.
Departamento di Relacion Exterior lo contesta tur hende unda ta bay warda nan informacion.
Afganonan cu a huy di e pais y ta kedando na paisnan bisiña, probablemente lo tiun chens pa biaha pa Hulanda. Riba peticion di UNHCR, e Gobierno a bisa cu nan lo ta flexibel ora cu Afganonan ta busca luga di keda. Ta papia aki di personanan cu debi na nan trabou of nan background no ta sigur mas na Afganistan.

Related posts

Colegio di Supervision Financiero ta bishita Hulanda

EA News Author

Parlamentario Arthur Dowers Minister Ursell Arends a converti su mes mas mepista cu e propio Evelyn

EA News Author

Un persona cu textura indjan ta cana pidi placa na Renaissance Marina

EA News Author

1 comment

Leave a Comment

Whatsapp Message