BonaireFeatured

Gobièrnu di Boneiru i Tourism Corporation Bonaire den koperashon ku Ir Sais ta yama bon biní na Boneiru na e artistanan internashonal Konshens, Farina Pao i Mike Bahia

Hghgfg

Riba invitashon di Ir Sais i den koperashon ku gobièrnu di Boneiru i Tourism Corporation Bonaire (TCB), Boneiru a yama bon biní na e artistanan Mike Bahia, Konshens i Farina Pao huntu ku nan tim di ‘management’ pa un proyekto importante ku ta na kaminda. Esaki komo parti di e akuerdo di kolaborashon ku resientemente a keda firmá ku Ir Sais.  

Ir Sais a nase i lanta na nos isla den e bario di Tera Kòrá. E tin un hit ku mundialmente a bai viral bou di e título ‘Dream Girl remix’, ku mas di 284 mion ‘view’ riba YouTube. Den lus di e akuerdo di kolaborashon ku Ir Sais ku resientemente a keda anunsiá, TCB a yama bon biní na e artista internashonal Konshens, un artista hamaikino di  ‘dancehall’ ku den añanan 2010 a aparesé den desenas di  komposishon popular di ‘dancehall’ i e rèper kolombiano Farina Pao, pa traha riba un proyekto ku ta na kaminda. Michael Egred Mejia, konosí bou di su nòmber artístiko Mike Bahía, ta un kantante i manehadó di empresa kolombiano. E ta prinsipalmente konosí pa motibu di su kansionnan ‘Estar Contigo”, “Buscándote”, “La Muñeca” i su komposishon mas resien “Amantes”, huntu ku Greeicy Rendón.

Na nòmber di gobièrnu di Boneiru diputado Hennyson Thielman a bisa: ‘Nos ta sumamente orguyoso di Ir Sais, un artista lokal ku mundialmente ta haña rekonosementu i ku ta promové Boneiru ront mundu ku su músika. Nos vishon pa turismo ta pa promové Boneiru su outentisidat, ku partisipashon di nos hendenan na turismo i Ir Sais ta e embahador ideal pa e konsepto akí. Pa medio di invitá e artistanan akí pa traha huntu kuné na Boneiru e ta demostrá e parti multifasétiko i e diversidat di nos isla. Nos ta yama danki na Ir Sais pa e inisiativa importante akí.’

TCB i gobièrnu di Boneiru ta hopi kontentu ku e kapítulo nobo akí di kolaborashon pa posishoná Boneiru den mundu. E proyekto nobo ku mester keda revelá ainda, lo duna Boneiru e popularidat internashonal nesesario i lo kompartí e eksperensia Boneiru pa medio di músika, nos kushina lokal i nos hendenan.

Huntu ku gobièrnu i pueblo di Boneiru, TCB ta deseá henter e  elenko i e ‘crew’, inkluso e tim di produkshon tur kos bon den e dianan binidero.

Un palabra spesial di gradisimentu ta bai na nos partnernan turístiko ku ta fungi komo anfitrion pa e artistanan.

Related posts

Confirmando e vision di Minister Glenbert Croes: Hulanda y Spaña a firma diferente acuerdo riba transicion energetico pa Hidrogeno

EA News Author

Prome Minister Evelyn Wever-Croes: Pa baha e inflacion mas, gobierno a tuma diferente otro pasonan

EA News Author

Te cu 29 di december por registra cambio di 2023: KvK ta urgi tur empresario pa actualisa e datos di e negoshi

EA News Author

Leave a Comment

Whatsapp Message