Awe nos ta para ketu na tur hende di Boneiru ku ta duna mantelzorg. E forsanan silensioso ku, hopi biaha invisibel, tur dia a base di amor ta kuida i ta keda sostené un otro hende.
Ta trata di kuido pa un partner, un mayor, un yu, un amigu òf un besiña. Ta trata di e kuminda di tur dia ku bo ta kushiná aserka i hiba pa e persona, reglamentu di kuido i atministrashon, e pañanan èkstra pa laba i e orea ku semper t’ei pa skucha.
Dia di Mantelzorg riba djaluna 10 di novèmber ta un momentu pa para ketu na esaki. E dedikashon di e hendenan ku ta duna mantelzorg no ta meresé solamente apresio, pero tambe berdadero sosten.
Fundashon Mantelzorg Boneiru ta e punto sentral di e sosten di e hendenan ku ta duna mantelzorg. Nan ta sostené e hendenan ku ta duna mantelzorg ku konseho i yudansa práktiko i nan ta pidi atenshon pa nan.
Huntu Fundashon Mantelzorg Boneiru, Sentro Akseso, Zorg en Welzijngroep i e Direktorado Komunidat i Kuido di Entidat Públiko Boneiru ta traha riba fortifikashon di e sosten pa e hendenan ku ta duna mantelzorg.
E organisashonnan na Boneiru ta traha huntu pasobra duna un otro hende kuido ta algu hopi grandi. Anto sòru pa keda perseverá ku e kuido, esaki nos ta hasi huntu.
Masha danki tur partido enbolbí pa boso bunita trabou i masha danki tur hende ku ta duna mantelzorg ku boso t’ei pa boso próhimo!
Press release: Gobièrnu di Boneiru