Local

Heart-Centered Leadership Foundation trece bek actividad impactante pa hoben riba temanan di desaroyo personal

Heart Centered Leadership Foundation..0

Heart-Centered Leadership Foundation (HCLF) ta anuncia regreso di actividad impresionante Impact Days, un actividad di 3 dia pa hobennan di 12 pa 17 aña tumando luga den vakantie di april.

Impact Days ta un actividad di 3 dia cual ta consisti di sesionnan interactivo, tayernan chikito y dialogo den grupo basa riba temanan cu ta yuda hoben siña conoce nan mes miho, descubri kico nan pasion y talento ta, y explora kico ta nan deseo y meta pa futuro. Durante e 3 dianan aki, e participantenan lo traha conhuntamente den grupo cu otro hobennan unda un ‘group leader’ lo guia e proceso di aprendemento di conocemento di nan mes y otro. Usando e conocemento aki, hobennan por tin mas confiansa y auto estima pa yuda nan sinti mas sigur di nan direcion den futuro.

Esaki ta e di dos biaha cu HCLF ta organisa un serie di actividad den vakantie di april pa hoben. Aña pasa, un grupo di 27 hobennan a participa, unda nan a siña sali for di nan zona di comfortabilidad, tin mas confiansa den nan mes y con pa crea amistadnan nobo y positivo. Mirando e exito di aña pasa, HCLF ta contento di por bolbe ofrece e programa aki pa hobennan e aña aki.

Impact Days lo tuma luga di diaranson 12 di april te cu diabierna 14 di april 2023. E orario di cada fecha ta di 9:00 AM di mainta pa 1:00 PM di merdia.

Actividad lo tuma luga na Teresita Center, San Nicolas. HCLF ta brinda un ‘early bird special’: Afl.75, cual ta disponibel te cu 28 maart 2023. E prijs pa participacion despues di 28 maart 2023 ta: Afl.115,-. Registracion pa Impact Days ta sera: 5 april 2023.

Pa esnan interesa pa sa mas di Impact Days por comunica cu Heart-Centered Leadership Foundation na 5841211 (whatsapp) , via hclfaruba@gmail.com of por registra dibiaha door di bishita www.hclfaruba.org/event-details/impact-days y click riba RSVP. Espacio ta limita. E programa aki ta parti di e proyecto “Connecting Hearts” y ta posibel danki na fundo parcial di CEDE Aruba y Samenwerkende Fondsen Cariben.

Heart Centered Leadership Foundation..5Heart Centered Leadership Foundation..4Heart Centered Leadership Foundation..3Heart Centered Leadership Foundation..2Heart Centered Leadership Foundation..1Heart Centered Leadership Foundation..Heart Centered Leadership Foundation

Related posts

Proximo Simposio tocante Solucionnan basa riba naturalesa

EA News Author

Danki na vision di premier evelyn wever-croes Desde 2018 aruba tin un fondo di crisis cu 1,9 miyon florin

EA News Author

Papiamento tin poder

EA News Author

Leave a Comment

Whatsapp Message