Boneiro tin basta problema cu violencia y arma riba caya , no ta for di awo tin indicacion cu tin hopi arma bou di e hobennan na Boneiro. Tin varios caso caba cu a pasa manera Drive by shooting y awo hasta un problema cu pleito a cuminsa den club Rush y a termina cu tiramento pafo di e club.
KPCN ta informa cu diadomingo 8 di juni, un caso di tiroteo a tuma luga dilanti di un establecimento nocturno situa na Caya Princes Marie. E victima Clayshonou cu ta ser yama cariñosamente “Chiki” a ricibi un bala y no ta duna señal di bida. Na mes momento polis a actua pa pone ordo publico , pero den e mes un rosea e decision di a tuma e victima eybo y como polis a carge y hibe cu tur e bon intencion Hospital ta na su luga ?. Importante ta pa educa comunidad cu na momento ken cu ta mishi cu e victima eybo cu tur bon intencion loke cu pasa cu e victima pa ley por trece consecuencia pa esunnan cu a mishi y move e victima. Hopi biaha den tipo di casonan asina emocion ta hunga un rol y e actuacion pa salba e persona tambe ta hunga un rol , pero e consecuencia nan cu ta bin despues sea e persona muri no lo ta mucho agradabel.
Den e mes un rosea e amigonan no a keda contento cu nan amigo e ser tira y a bay tras di e otro hoben cu a tira nan amigo , despues di e tiramento dilanti di e club tabatin tiramento den caya Kaya Hohokam unda e hoben cu a tira e otro hoben dilanti di e club tambe a wordo tira y despues e mes un grupo aki a bay tira na Kaya Karpitan pero aki si no tabatin herido.
Ambos hoben a keda transporta cu urgencia na Corsou pa haya tratamento mas avansa tInvestigacion ta andando. KPCN ta pidi un y tur cu por a mira algo, cu tin informacion tocante di e sospechoso(nan) of di e suceso, pa tuma contacto cu polis na 715 8000, 717 8000 of via e liña di tip anonimo 9310.
