Featured Policial

Hoben di 19 aña ta wordo asesina serca di tanki savaneta


HOBEN DI 19 AÑA TA WORDO ASESINA SERCA DI TANKI SAVANETA

Awenochi pa mas o menos 8:08pm, central di polis ta haya informacion cu bisiñanan a tende un tiro y despues gritonan fuerte den vecindario di e tanki di Savaneta. Bisiñanan mes a bay tira un bista y a haya un homber cu herida di tiro.

Central di Polis ta despacha diferente unidad hunto cu ambulance cu maximo urgencia na e sitio di sucedido.

Na yegada di polis e victima ta conta autoridad cu tres hende den un auto modelo Mark X color blanco a hinke den auto y despues a tire.

E victima na su turno ta bula for di auto pa sali for di e situacion peligroso cu e tabata aden.

E victima a conta tur locual cu a pasa y asta e informacion di e sospechoso cu a tire.

Ambulance ta yega na e sitio pa asina stablisa e victima cu ta seriamente herida y a transporte cu maximo urgencia pa Hospital. E victima su situacion tabata hopi critico.

Algun minuut despues den un forma tactico y liher polis ta pone man riba e sospechoso di fam W. na altura di SPO na mabon, San Nicolaas.

**un rato despues ta drenta e tristo noticia cu pa 9:07pm dokter Duyzer ta constata fayecemento di e homber Eddy Rincon BRAVO naci na Colombia dia 11 juni 2003.

Cuerpo Policial Aruba ta manda palabra di condolencia na e famia di e fayecido.

E caso serio aki ta bou investigacion pa departamento di recherche di San Nicolaas kende conhuntamente cu polis technico lo mester bay investiga e caso aki.

** mester menciona cu esaki ta di dos asesinato pa aña 2022. E prome a tuma lugar na Zeewijk y awor serca di tanki di Savaneta.

Related posts

Na Korsou tin fondonan oropeo pa realisashon di pelíkula lokal

EA News Author

Parada Nacional di luz cu 31 detencion y diferente suceso

EA News Author

Tin 1 kaso Covid-19 a bini aserka

EA News Author

Leave a Comment