Durante IBiSA su rueda di prensa a duna di conoce cu e di 26 edicion di Betico Croes Memorial Run ta bay tin un maximo di 500 participante. Inscripcion a habri dia 7 di januari y den 2 dia nos a surpasa 500 inscripcion. IBiSA kier recorda cu no paso bo a inscribi kiermen cu bo ta den careda, pues IBiSA kier recorda tur esnan cu a inscribi cu ta bay tin 4 dia di pago cu ta 18, 19, 20 y 21 di januari.
Pa facilita e pago di e careda IBiSA ta extende su orario riba diamars 18 y diaranson 19 di januari for di 8’or di mainta te cu 4’or di atardi non stop, diahuebs 20 y diabierna 21 di januari e orario ta bay bek normal 8’or di mianta pa 12’or di merdia y 1’or pa 4’or di atardi. Pago por wordo haci solamente na IBiSA na playa y mester ta den efectivo (cash).
IBiSA kier pa esnan cu a inscribi tene na cuenta cu na momento cu yega 500 pago, e careda ta sold out. Pa keda informa sigui nos via nos paginanan social facebook y Instagram IBiSA Aruba.