Den ballroom di Alhambra, un total di 14 grupo a celebra nos luna nacional compitiendo cu otro den e quiz Kibra Cabes 2. E presentado y formado di e quiz tawata maestro di Aardrijkskunde, Addonsito Croes. E asistentenan tawata juffrouw Thyara Doornkamp y studiantenan Rochendrick Boekhoudt, Riyallen St. Jago y Dariyon Molina. E musica tawata di Rygel Kock riba steelpan.
E gruponan a competi cu otro den e seccionnan Berdad of Falso, Aruba Diverso, e caha magico, Fauna di Aruba y Monumentonan di Aruba.
Indjannan brabo
Na final e grupo ganador a bira Indjannan Brabo cu tambe a haya e premio pa esunnan miho uniforma. For di Andy Farro, di HR, e ganadornan a ricibi nan premio. E sala tawata yena cu dushi ambiente cu a haci e celebracion un exito atrobe den 2024.
