Local

Inscripcion a habri pa competencia di Poeta di Patria 2020


ORANJESTAD,Aruba

E aña aki un biaha mas Comision Celebracion Dianan Nacional (CCDN), Departamento di Cultura Aruba (DCA) hunto cu Comision Arte di Palabra y Fundacion Corector di Papiamento, ta organisa e prestigioso competencia pa nombra nos Poeta di Patria di 2020.

Pa e motibo aki nos ta extende un invitacion na tur escritor, poeta y declamado di 18 aña y mas, pa busca den nan curason e inspiracion pa skirbi bo miho elogio y poema na Papiamento di nos dushi tera Aruba y su Cultura.  E ultimo dia pa entrega bo obra lo ta dia 4 di maart proximo, ya cu e competencia lo tuma luga dia 13 di maart. Di tur e obranan cu Comision ricibi, lo saca e mihonan y e escritornan aki lo mester bin presenta nan obra, durante un anochi cultural dia 13 di maart 2020 na Plaza Libertador G.F. Betico Croes, riba Vondellaan. Si acaso bo mes no por presenta bo obra, por laga un otro persona present’e pa bo. 

Cada escritor por entrega un (1) obra cu e tema di Aruba y su Cultura. E poema mester ta na Papiamento y por tin entre 4 cu 9 strofa; cada strofa mester tin 4 frase y por rima. 

Lo tin premio pa e Poeta di Patria y tambe pa di dos y di tres luga.

Manda bo obra no mas tarda cu dia 4 di maart na artedipalabra@gmail.com 

Pa mas informacion, por tuma contacto cu DCA tel: 582-2185


Related posts

Cantautor Arubano MTCHLL ta lansa awe su siguiente single titula ‘Lag’e Sosode’ hunto cu su video clip

EA News Author

Ombudsman ta bay tin un rol di interveni actua pero tambe preveni

EA News Author

Keto bay tin midimento di asbest Algun departamento pronto lo habri bek despues di resultado negativo

EA News Author

Leave a Comment