Kralendijk,Bonaire
Inskripshon ònlain pa e evento di Ride, sail, swim, walk for the Roses entre tantu ta bayendo den ful spit. Riba djárason 16 di yanüari 2020 gezaghebber manera ya kaba ta tradishon a kumpra e promé karchi di partisipashon na e di sinku edishon di Ride for the Roses. Djárason anochi tabatin un konferensia di prensa na Eden Beach Resort. E evento ta tuma lugá riba djadumingu 2 di febrüari 2020 i pa 6.50 ‘or di mainta e ta ranka sali na Eden Beach Resort Bonaire. Partisipantenan por inskribí nan mes ònlain e kumpra i/òf pasa buska na karchi adelantá. Karchi ta optenibel for di US$ 15,00 pa un aktividat i US$ 20,00 pa un kombinashon di aktividat. E gastunan pa partisipá na e ‘Sail’ ta US$ 75,–.
Banda di esei tin aktividat di yoga i aktividat pa mucha. Tur hende ku partisipá na Ride, sail, swim, walk for the Roses ta haña un tishùrt, un tas, un bandana i un sorpresa chikitu na final di e evento. Durante e evento e partisipantenan ta haña awa, kos di bebe pa energia i fruta. Karchi ta na benta na: Restorant di èrpòrt (Tecnobar), The Freewieler Multipost, Bon Bida Gym, Dushi Yoga by Dragana, Lisa Convenience Store, Yoga Center na Eden Beach Resort, Yogarriba by Lolymar Special Ocassions, Prinses Wilheminafonds na Kaminda La Union i e miembronan di direktiva di Fundashon Ride For The Roses Boneiru. Por pasa buska e tas ku kontenido i e tishùrt dia 31 di yanüari di 15:00 te 19:00 ‘or i dia 1 di febrüari di 10:00 te 19:00 ‘or na Orco Bank i dia 2 di febrüari di 06:00 te 06:50 ‘or na Eden Beach Resort.
E programa pa dia 2 di febrüari 2020 ta lo siguiente:
• 06:00 – Final di benta di karchi, registrashon i pasa buska tishùrt
• 06:50 – ‘Warming up’
• 07:00 – Komienso di Walk • 07:05 – Komienso di Ride
• 08:00 – Yegada di e promé partisipantenan di kanamentu
• 08:00 – Komienso di e programa pa mucha ku pintamentu di kara i diferente wega
• 08:00 – Registrashon evento di landamentu na Spice Beach
• 08:30 – Promé bùs ta sali for di Eden Beach pa Kas di Regata
• 08:50 – E di dos bùs ta sali pa Kas di Regata
• 09:00 – Yoga ku Dragana (Dushi Yoga) i Elisabetta (Sensibile) na Kas Di Regata
• 09:15 – Yoga na enkargo di Lolymar (Yogarriba) pa partisipantenan ku yega
• 09:30 – Komienso di evento di landamentu na Kas di Regata
• 10:00 – Programa pa mucha ta terminá ku músika i entrega di sertifikado na Spice Beach
• 10:00 – Músika ‘live’ na enkargo di Farley’s band
• 10.00 – E promé partisipantenan di landamentu ta yega Spice Beach
• 11.00 – Komienso di evento di ‘Kite Surfing’
• 11.00 – Yoga na Spice Beach
• 11:30 – Yegada di e promé sùrfernan
• 13:00 – Final di e evento