E hóben Boneriano Jose ‘Ito’ Martis, ku a inisiá e proyekto di ahustá e himno di Boneiru a duna e resumen di kon e proyekto a kuminsá i kon a yega asinal leu. Ito Martis ku den pasado a representá Boneiru den ekstior komo deportista, a bisa for di e tempu ei ela keda emoshoná ora e la tende nos himno. “Pero despues mi a kuminsá eksperimentá ku e sonido pa wak kon e himno lo por skucha den tempu di awor i ku teknologia di awor”, asina Martis a splika.
Ora Martis a laga otro hende skucha su ideanan, tur a keda entusiasmá. Asina ela aserká BC, ku tambe tabata entusiasmá i kaminda Nina den Heyer, komo diputado di Kultura, a pones su mes tras di e proyekto.
Den Heyer a klousurá bisando ku e ta keda para firme tras di e proyekto. “Mi sa ku tin krítika tambe aki aya, pero mi ta keda 100% pará tras di e inisiativa aki i mi ta spera ku nan final, tur hende na Boneiru lo por ta orguyoso di e grabashon aktualisá di e himno.