Riba djaweps 12 di yanüari den un ambiente ameno den presensia di famia, amigu-, kolega- i partnernan di kadena, e anterior hefe di Kuerpo Polisial Hulanda Karibense a tuma despedida di e kuerpo.
Na honor di esaki tabatin diferente diskurso, entre otro di pastor Frank Reinoso, hefe suplente di KPCN señor Ronald Zwarter, gezaghebber di Boneiru señor Edison Rijna, Hefe di kuerpo polisial di Sint Maarten señor Carl John, na nòmber di kolegio di hefenan di kuerpo, e hefe di polis di e unidat di Amsterdam señor Frank Paauw, i atministradó di kuerpo señora Monique Commelin. E yu muhé di señor Rosales tambe a dirigí su mes na invitadonan. Señor Rosales a risibí diferente regalo i a sera e mainta ku un lùnch konhunto i ambiente festivo ku músika.
