Por haña karchi di bùs pa aña eskolar 2022/2023 for di 15 di ougùstùs 2022 na direktorado Komunidat i Kuido. Ta trata aki di karchi pa transporte eskolar organisá i supsidiá pa Gobièrnu di Boneiru.
Pasa na ofisina di direktorado pa Komunidat i Kuido na Kaya Neerlandia # 41 pa haña un karchi. Einan ta yena e formularionan nesesario. Despues ta bai ku e karchi na ofisina di ‘’Registro Sivil’’ (Bevolking) kaminda ta paga pa e karchi bira bálido.
Por swaip e montante na Registro Sivil òf por paga tambe on-line.
Si paga online hasi esaki na nòmber di:
Openbaar Lichaam Bonaire
Kuenta di banko MCB Bonaire: 30100203
Pone aserka:
- Nòmber di yu
- Number di bùs
Si tin pregunta yama ofisina di direktorado pa Komunidat i Kuido na number di telefòn 717-2211 / 715-5311.
Sin un karchi di bus bálido pa e periodo 2022/2023 no por hasi uso di transporte eskolar.