Local

Kiwanis Club of Palm a haci donacion di 29 mil florin pa un systema di Solar Panel na Neptali Henriquez Park

Pres. Daniel Aguirre Ta Firma

Diabierna, 7 di juli 2023, durante un reunion general bon bishita, Kiwanis Club of Palm Beach a haci un donacion di 29 mil florin den forma di un systema di panelnan solar na Neptalie Henriquez Park. E donacion aki ta den cuadro di iniciativanan “impactante y sostenibel” cu ta un parti integral di e club su plan strategico di termino largo.  

Ariba e reportahe grafico por mira momento cu President Daniel Aguirre hunto cu e representante di B-Energy, miembronan di Neptalie Henriquez Park, y e “chair” di e comité pa asuntonan di Club House , ta firma e acuerdo pa asina por cuminsa cu e proceso di ehecucion di e proyecto di panelnan solar pa e parke. Di e forma aki Kiwanis Club of Palm Beach ta pone boso contribucion, recauda entre otro for di nos actividadnan durante e temporada di Carnaval, den accion pa yuda e muchanan den nos comunidad!

Kiwanis Club of Palm Beach ta kere den sostenibilidad y den un bon futuro pa nos muchanan. E contribuicion aki, ta yuda Neptalie Henriquez Park mantene su gastonan operacional abou, crea espacio financiero pa mantencion y inversion continuo, y asina garantisa existencia di e parke pa hopi aña mas. 

Kiwanis Palm Beach ta forma parti na e organizacion global “Kiwanis International” cu ta un instancia caritativo dedica na servicio na comunida cu e obhetivo principal pa haci nos mundo mihor door di cambia un comunidad pa medio di un mucha cada bes. Mas informacion por haya riba: www.facebook.com/kiwanispalmbeacharuba of www.kiwanis.org

Representantenan Miembronan

Related posts

Pastor Marcel Balootje: Reconciliacion den famia ta bendicion di Dios

EA News Author

Loutiza Raven admiti cu Covid-19 y luchando pa mehora

EA News Author

Ta importante pa sigui vacuna pa por sigui flexibilisa medidanan

EA News Author

1 comment

Leave a Comment

Whatsapp Message