SaludLocal

Tuma accion pa Preveni, Proteha y Stop Dengue Con pa proteha bo mes di Dengue?

Repelente

Pa por proteha bo mes di e sangura cu ta transmiti e.o Dengue, ta nesesario pa nos conoce e sangura aki miho, sa kico e ta gusta, kico e no ta gusta, unda e ta frecuenta y con eta biba.

Ta conosi cu e sangura Aedes Aegypti cu ta transmiti e.o Dengue ta mas activo den oranan di mainta trempan y atardi pa anochi, e sangura no ta gusta mucho claridad. P’esey paden e sangura aki por ser incontra scondi den espacionan scur manera den cashi of bou mesa y stoel. Pafo nan ta sconde cualkier caminda unda tin menos claridad posibel. Durante dia e sangura aki no ta pica cu frecuencia cu exepcion si bo bay unda nan ta scondi, of si bo camber ta tiki scur. Mayoria biaha e sangura ta sali for di su escondite ora ta birando scurito pa e por alimenta su mes. E sangura macho den mayoria caso ta alimenta su mes di nectar di mata of fruta, e sangura muhe si ta pica hende pa e por alimenta su mes cu sanger. E sangura muhe mester di sanger pa e por pone su webonan. 

Sabiendo esaki cada ciudadano individualmente por tuma e accionan nesesario pa proteha nan mes miho contra e sangura aki cu por ocaciona Dengue of otro malesanan transmiti pa sangura, door di:

  • Bista paña cu man y pia largo durante oranan di atardi pa anochi 
  • Durante dia, inspecciona areanan scur bon pa sangura
  • Uza repelente contra sangura riba cuero cu no ta cubri cu paña
  • Den especio pafo di cas cende mecha of uza bela contra sangura
  • Sera porta y bentana di cas prome cu bira scur of uza screen na porta y bentana
  • Evita di bishita areanan unda bo ta conciente cu tin hopi sangura
  • Spuit paden di cas, camber, oficina y areanan cu bo ta frecuenta regularmente cu producto pa mata sangura.
  • Pone baby y mucha chikito drumi bou mosketero

Pa mas informacion like nos Facebook page Directie Volksgezondheid DVG Aruba, Follow nos riba Instagram directie_volksgezondheid_aruba, subi nos website www.dvg.aw, yama nos na 5224200 of mail nos na servicio@dvg.aw 

Related posts

Pa Aruba recupera ta fundamental pa sindicatonan acepta pa sinta den un comision financiero pa compronde e detayes di Aruba su situacion financiero

EA News Author

Minister Endy Croes ta felicita e graduadonan di Juliana School

EA News Author

Aruba tin 161 caso activo y cantidad di fayecido relaciona cu COVID-19 a aumenta na 168

EA News Author

1 comment

Leave a Comment

Whatsapp Message