Resientemente klientenan di Sentro di Detenshon i Korekshon Kòrsou (SDKK) a traha riba un bunita proyekto konhuntamente ku e tim di baseball Firebirds.
E klientenan ku ta laborá den Departamentu di ‘Stofferij’ a traha tasnan spesial pa e tim di Firebirds ku nan por uza durante di wega. Na okashon di entrega di e tasnan tabata presente, di parti di SDKK, Direktor señor Ricardo, Bosero di SDKK señor Pinedo, Hefe di Detenshon señor Hasselmeijer, señor Benita i señor Weigle ku a kordiná henter e proyekto akí.
Presidente di Firebirds señor Leonora a keda sumamente kontentu ku e resultado. Tambe ela indiká ku e por a buska e tasnan aki den eksterior, pero komo ku Firebirds nan a opta pa laga talentonan i kreatividat di klientenan di SDKK bin dilanti.
Gerensia di SDKK ta sumamente orguyoso di nos klientenan ku a demostrá un bia mas ku nan tin talento den na man.
