Diputado Hennyson Thielman ta den bario di Tera Cora pa kòmbersá ku e habitantenan.
Normalmente diputado Thielman tin sita di konsulta tur djaweps na ofisina. Tur
hende ku ta deseá por traha sita pa kòmbersá kun’é.
A skohe pa hasi algu diferente e siman aki: djaweps dia 16 di desèmber diputado
Thielman ta bishitá Tera Cora entre 2’or di mèrdia i 6’or di atardi pa kòmbersá i
interkambiá ku e habitantenan. . Di e manera aki e diputado ke skucha i kòmbersá
ku e habitantenan den nan mes bario.
Si bo ta biba na Tera Cora i bo ta deseá di kòmbersá ku diputado Thielman, bo por
traha un sita mandando un imeil na desiree.vorst@bonairegov.com óf
yama/whatsapp riba number di telefòn +599 7706943. Na momentu ku yama pa
traha e sita, ta palabrá na unda e sita ku e diputado lo tuma lugá: sea na kas di
esun ku ta pidi e sita òf na un otro sitio den Tera Cora.
Diputado Thielman ta invitá e habitantenan di Tera Cora pa hasi uso di e
oportunidat aki pa asina huntu ku gobièrnu por sigui traha na bienestar i desaroyo
di e bario.