Den e periodo benidero te ku e dianan di fiesta fin di desèmber tin vários evenementu i aktividat planiá na Boneiru. Un di e tareanan di polis ta pa mantené órden públiko kaminda ta nesesario. P’esei lo bai tene kòntròl rutinario ku mas regularidat den e periodo benidero. Lo bai kontrolá riba entre otro e orario di terminá di e pèrmit ku a duna pa e evenementunan aki i tambe otro asuntu. Pa ku esaki KPCN ta hasi un yamada na tur organisadó, organisashon i partisipante na tipo di evenemento asina: karga bo responsabilidat i mantené bo mes na regla.
Na momentu ku polis mester akudí na un enkuentro a konsekuensia di un notifikashon (melding), lo evaluá kada insidente pa wak ta di ki tipo di violashon(nan) ta trata i kua lo ta e mihó manera pa atendé ku esaki, hasiendo esaki ku rèspèt mutuo. Lo no tolerá violensia ferbal i/òf agresividat kontra polis. Un komportashon trankil di un i tur durante di kòntròl i na momentu ku konstatá violashon, ta kondusí na solushon pasífiko ku ta deseabel pa un i tur