Anochinan di glamour, talento y orguyo cultural a marca e eleccionnan oficial di Carnaval Aruba 2026, unda e hubentud y e madurez di e isla a wordo celebra cu coronacion nan especial. Durante e gala, dos reina a wordo scogi pa representa Aruba den e proximo temporada carnavalesco.
Kyra Jong: Dushi Carnaval Youth Queen 2026
Kyra Jong a wordo di Dushi Carnaval a wordo corona como Aruba Youth Carnaval Queen 2026, despues di impresiona e hurado cu su presencia na escenario, elegancia y mensahe poderoso. Ademas di gana e titulo principal, Kyra tambe a gana e premio di Best Speech,.
Anwizyann Geerman tambe a wordo reconoci cu e Pay.aw Youth Queen Award, como simbolo di su dedicacion, carisma y liderato den e categoria hubenil y ta corona como e Reina mas popular.
Marylain Ras: Mrs. Carnaval Aruba 2026
Den e categoria adulto, Marylain Ras, representando TOB Group, a wordo corona como 30th Mrs. Carnaval Aruba 2026. Su eleccion a marca un hit special, celebrando 30 edicion di e concurso Mrs. Carnaval Aruba.
Marylain Ras a mustra no solamente elegancia y presencia na escenario, pero tambe un profundo conocemento di e cultura carnavalesco. Esaki a haci cu e tambe a gana e premio di Best Speech, reconociendo su habilidad pa comunica y representa e espirito di Carnaval Aruba cu orguyo y pasion. Tambe a gana e Pay.aw Mrs Carnaval
Carnaval Aruba 2026 oficialmente a cuminsa
Cu e coronacion di Kyra Jong y Marylain Ras, prometiendo un temporada yena di color, musica y alegria pa henter e isla.