Bonaire

Lansamentu di buki ‘Marka Indjan’ di Delno (Denchi) Tromp dia 25 di novèmber 2022 na Biblioteka Públiko Boneiru


Lansamentu di e buki ‘Marka Indjan’ di Delno (Denchi) Tromp ta tuma lugá den kolaborashon ku Biblioteka Públiko Boneiru. Ta tene lansamentu di e buki dia 25 di novèmber na Biblioteka Públiko Boneiru na Kaya Gramèl s/n di 17:00or pa 18:30or i tur hende ta kordialmente bon biní. Den e buki ta para ketu na pintura di indjan i e diferente áreanan kaminda e poblashon indígeno a laga marka atras na Boneiru. Despues ta sigui tambe un eksposishon di e buki ku públiko por bishitá te ku e promé siman di yanüari 2023 durante orario regular di biblioteka. 

 E buki ‘Marka Indjan’ ta un regalo spesialmente pa alumnonan di grupo 5 te 8 na Boneiru. Den e buki tin 39 pintura di indjan ku Denchi a prosesá gráfikamente. Den e buki ta para ketu tambe na e diferente áreanan kaminda e poblashon indígeno a laga marka atras na Boneiru. Na papiamentu esakinan yama ‘Marka Indjan’. Te ainda por mira algun di e markanan akí na sierto partinan na Boneiru. E markanan akí ta rekonosibel, pasobra nan ta pintá ku e mesun kolónan, esta korá kimá òf pretu. 

‘Ta importante pa nos rekòrdá nos poblashon indígeno i e herensia balioso ku nan a laga pa nos’, asina Denchi ta bisa tokante e buki. Tur kabes di skol, dosente i mayor ku ke sa mas tokante e buki tambe ta kordialmente bon biní na lansamentu di e buki i na e eksposishon. 

Publikashon di e buki ta un inisiativa di Delno (Denchi) Tromp i a bira posibel mediante un kolaborashon ku ministerio di Enseñansa, Kultura i Siensia área karibense, Rijksdienst Caribisch Nederland i Biblioteka Públiko Boneiru. Ta presentá e buki den e idiomanan papiamentu, ingles i hulandes. Na ingles título di e buki ta ‘Indigenous Markings’ i na hulandes ‘Inheemse Sporen’. 

Related posts

Pasa angua di buster djaweps i djasabra sin traha sita

EA News Author

Direktiva nobo di dos kabes na MBO Bonaire

EA News Author

Tourism Corporation Bonaire ta yama bon bini na Elesiër Angel

EA News Author

Leave a Comment