Cultura ta wordo carga pa hende. Pero tin biaha tin un persona cu no solamente ta carga cultura, sino cu ta mare’le den todo lo cu e ta haci y den cada bida cu e ta toca. Un persona cu ta conecta pasado y futuro cu otro, y ta percura pa tradicion y historia sigui uni hende. Un persona manera Cenaida van Dinter.
Den bo bida laboral, bo a core bo propio salon di biha pa añanan largo y a percura pa cabey y mestichen de hopi hende muhe pa boda y otro ocasionnan special. Bo tabata un creador renombra de locual ta wordo yama ‘boekels’, e estilo di cabey tradicional pa bruid. E artesania y dedicacion ey a haci bo un cara conoci y di confiansa pa hende muhe cu, na momentonan importante, tabata kier a sinti nan mes conecta cu nan cultura.
Bo a hiba e mesun dedicacion ey pa enseñansa, caminda como docente di guia despues di scol (naschoolse opvang) bo no solamente a guia mucha, sino tambe a laga nan balia y canta riba musica tradicional di e isla, pa laga nan sinti kico ta significa pa forma parti di un rico tradicion cultural. Pa nan ta orguyoso di esey.
Pero bo nificacion mas bisto y grandi pa e cultura di Corsou ta banda di y despues di bo bida laboral. For di tempo bo tabata mucha, capta pa e telanan y colornan di e lensunan di cabes den cayanan di Punda, bo a dedica bo bida henter cu esfuerso, amor y conocemento na ‘mara lensu’, e manera tradicional di mara y bisti lensu di cabes.
Locual pa hopi tabata un custumber di tur dia, abo a mir’e como un tradicion cu mester wordo preserva como expresion di e identidad di Corsou. Cu cuido, precision y creatividad, bo no solamente ta preserva e arte aki, sino bo ta profundise’le y enrikese’le tambe, pa mas di cincuenta aña caba.
Den bo busqueda pa e origen y nificacion di e maramento di lensu, bo a bishita generacionnan mas bieu y a duna bida na e conocemento ey den bo lesnan. Asina bo a bira no solamente un cargador di cultura, sino tambe un coleccionista y wardador di e conocemento ey.
Bo no ta preserva solamente, bo ta un innovador tambe: bo a introduci un forma nobo, e Papilon Modèrnu, cu ta duna e lensu di cabes tradicional un forma contemporaneo cu ta cuadra cu e estilonan di bisti cu ta cambia. Y abo tabata—hunto cu Ingrid Louis—e iniciador di e competencia anual di ‘Mara Lensu’, cu a bira un momento cultural importante na Corsou.
Como co-fundador di iniciativanan manera Landish Curaçao, Krea Headwraps y Fundashon Mi Identidat, bo ta duna cultura un luga pa wordo comparti, siña y celebra. Bo ta uni hoben y bieu y ta haci cultura algo palpabel, reconocibel y di nan mes.
Bo esfuerso pa cultura ta yega hopi mas leu cu e sala di les of e fronteranan di e isla. Den bo bario Parera, bo a organisa pa añanan largo actividadnan pa mucha y habitantenan: for di programanan di vacacion y actividadnan cultural te cu tradicionnan manera carnavas y e Dia di Parera. Internacionalmente tambe bo a difundi e cultura di Corsou, entre otro na Cuba y Surinam, caminda bo a colabora riba intercambio cultural y transferencia di conocemento: asina e tradicionnan di lensu di cabes di Corsou y Surinam a wordo pasa pa otro.
Pa esnan cu kier siña, bo ta disponibel te awe: bo masterclass nobo den maramento di lensu tradicional ta un ehempel potente di esey.
Locual ta haci’e asina di ecepcion, no ta solamente kico bo ta haci, sino con bo ta haci’e: cu dedicacion, disciplina y amor pa bo comunidad. No pasobra e mester, sino pasobra bo ta haña cu tin balor pa mantene patrimonio cultural bibo y pas’e pa e siguiente generacionnan.
Nos gran gradicimento y reconocemento pa bo nificacion pa cultura, nos ta expresa awe cu e Cultuurfonds Onderscheiding. Pa Cenaida van Dinter, un hende muhe cu ta preserva, pasa pa otro, profundisa, inova y ta laga e tradicionnan di Corsou sigui biba.
Awor con gusto mi ta duna bo e escenario aki, caminda Hans Oosters, Comisario di Rey na Utrecht y presidente di Cultuurfonds Utrecht, lo entrega bo e Cultuurfonds Onderscheiding.