Na 2022 mi a recibi un oportunidad unico pa por a representa Aruba na bruselas, Bélgica.
Papia cu tur e functionarionan europeo ariba Aruba y e participacion di juventud den gobierno y
procesonan democratico. Pa ami e ta importante cu Aruba tin un laso mas serca cu Union
Europeo. Nos a mira cu gobierno a haci tur lo posibel pa recibi 14 miyon euro cu e meta pa
digitalisacion di Gobierno. E link pa registracion nos pa añadi y importante pa informa Aruba cu
no mester di BSN nummer, djis yena tur e informacion y warda e link pa upload e paspoort
Dicon e ta importante pa vota?
Mi ta retabo pa coy bo passport un rato y wak e prome palabranan riba e kaft di bo passport, e
ta bisa cu nos ta cuidadanonan di Union Europeo, esaki kermen cu nos como Aruba tin un
LGO-Status cu ta unico. Nos ta kere cu e ta importante pa Aruba por haci uso di e
opportunidadnan aki.
Nos ta mirando awe e creacion di un facultad nobo na Universidad cu tambe lo bay contribui
grandi na e movimiento di energia renovabel cu ta importante pa e futuro di economia di Pais
Aruba.
Planesnan ambicioso na Union Eurpeo! Pero Aruba?
Locual ta lamentabel ta un di e puntonan cu Union Europeo ta pushando pa un agenda berde.
Energia renovabel ta importante pa e metanan di desaroyo sostenibel. Aruba su vision como
trendsetter a bay hopi atras danki na Kabinete Wever Croes II. Nos ta mira con hopi e
importancia di lasonan cerca cu Union Europeo ta.
Dicon vota pa Union Europeo?
Den pasado tabatatin algun politico a purba postula pa bay eleccion parlamentario di Union
Europeo, pero lastimamente esaki no a keda mucho bon regla pa core un eleccion efectivo pa e
cantidatonan logra haya suficiente sosten pa drenta Parlamento Europeo. Actualmente tur
candidato di e region caribe no ta participando mas den e eleccion na juni 2025 binidero.
Vota pa Union Europeo ta importante paso nos tin cu exigi un representacion di e 28
parlamentarionan hulandes pa tin un candidato cu ta sali na vanguardia di e interes di Caribe
Hulandes. Vota pa Union Europeo, ta un voto pa Aruba como un LGO-status tambe por keda
recibi cooperacion europeo pa nos por logra ricibi mas cooperacion di Union Europeo.
Bishitando Brusselas, mi a comprende cu tin hopi oportunidad pa e hoben y riba e tema aki
PDP kier pone mas atencion pa nos por logra haya mas sosten di e miembronan hulandes di
Union Europeo pa nos por ricibi mas asistencia tecnico y sosten financiero. Pa es motibo nos
proposicion ta pa stop e biahenan costoso pa Parlatino cu no ta contribui mucho na progreso di
Pais y cuminsa organiza biahe nan unda lasonan por keda crea na Bruselas entre e
Parlamentonan di Aruba y Union Europeo.
– Aruba bo tin te 25 di april ultimo pa registra y ban haci uso di e derecho aki pa por logra
duna nos bos na e instituto importante aki. Mi voto lo ta pa VOLT!
