LocalFeatured

Lider di CURPA Eric Ras: E fecha pa un decision ta cerca

Lider Di Curpa Eric Ras E Fecha Pa Un Decision Ta Cerca

Desaroyonan economico ta canando na Aruba, tambe e fecha pa decision crucial pa Aruba ta cerca. Lider di partido CURPA Erick Ras ta duna di conoce cu ta kere cu gobierno no tin ningun plan con lo bay remedia e problema cu nan mes a hinca nan mes aden. Segun lider di CURPA Eric Ras na momento cu Aruba a acepta, nan tabata sa masha bon cu gobierno mester a paga e 916 miyon florin.

Tambe a por a mira cu prome minister no sa kico pa haci mirando cu a vocifera cu si no tin dispensacion di debe no lo tin RAFT. Lider di partido CURPA ta kere cu prome dia cu minister a bay firma no a puntra si tin dispensacion of no y a tuma e placa, awo cu ta yega e momento pa paga bek prome minister ta bisa cu no tin placa. Tambe lider di partido CURPA a sigui e desaroyonan di parlamento unda cu tin un parti ta vocifera cu kier entrega e autonomia di Aruba.

Sinembargo mirando tur e desaroyonan aki ta keda unicamente di bay paga e debe di Aruba na un porcentahe di 8 % y esaki lo trece un situacion fastioso pa Aruba y nos tur sa cu for di basta tempo caba pais Aruba no tin ningun surplus cu por bisa cu ta bay yega e momento cu Aruba ta bay paga su debe.

Loke cu Aruba ta haciendo actualmente ta refinancia e debenan, aumenta nos gastonan, interes ta subi y mas placa ta wordo tira afo. Segun lider di CURPA hopi placa ta drenta den caha di gobierno pero nos no ta mira unda e placa aki ta bay y dia pa dia ta mira e situacion aki na Aruba ta empeora, nos grandi nan no por paga nan remedi, pensioen di biehes cu ta cobra di un solo hende no ta yega pa por biba bon un bida manera mester ta y cu ta bale la pena. Segun lider di CURPA nos no por maltrata nos grandi nan.

Segun lider di CURPA for di campaña di 2017 a bin ta bisa cu nos grandi nan mester ta bon trata y esaki ta locual cu no ta pasando unda cu placa no ta yega cerca nos grandi nan, placa ta yega tur otro caminda, menos na nos grandi nan.

Click aki bao like y share 

Related posts

Kuerpo Polisial Hulanda Karibense ta rekordá e agente aspirante polisial, Jonathan Theodora

EA News Author

Anuncio di Morto: Maria Leoncita Arends

EA News Author

Aruba Kier Traha

EA News Author

1 comment

Lider di CURPA Eric Ras: E fecha pa un decision ta cerca - Notisia 365 August 7, 2023 at 10:59 am

[…] Source link […]

Reply

Leave a Comment

Whatsapp Message