E manera cu e Gobierno AVP–FUTURO a maneha tanto e Presupuesto 2026 como e reciente cambio den e Ley di LIM ta genera preocupacion serio den amplio sector di e sociedad. Specialmente durante luna di december un periodo cu tradicionalmente ta dedica na famia, Pasco y preparacion pa e aña nobo e Gobierno a opta pa pasa decisionnan financiero y legislativo di gran impacto, sin suficiente debate publico ni un analisis profundo.
E tratamento di tres presupuesto consecutivo a wordo concentra den un solo dia pa cada uno. Den caso di e Presupuesto 2026, seis cartera di ministerio a wordo trata di manera acelera, loke no ta refleha e nivel di profesionalismo y seriedad cu un pais mester aplica ora ta trata di su documento financiero mas importante. Como consecuencia, e pueblo di Aruba, cu lo biba cu e impacto di e decisionnan aki durante henter aña 2026, no a haya e oportunidad pa sigui e proceso cu claridad y transparencia. E procedemento no a sigui e practica normal di analisa cada cartera cu profundidad, loke ta debilita e rol di Parlamento como organo di control.
Ademas, e reunionnan di presupuesto a wordo teni desde mainta tempran te marduganan durante varios dia consecutivo. Esaki no solamente ta pone presion riba parlamentario y ministro, pero tambe ta afecta e calidad di debate y toma di decision, un situacion cu no ta saludabel pa un democracia funcional.
Un di e punto mas critico ta e cambio di e Ley di LIM. Den e proceso aki, e Gobierno a opta pa cambia e procedemento parlamentario y pasa por alto e conseho formal di Raad van Advies. E Conseho di Estado a expresa preocupacion claro tocante e contenido y e implicacion nan legal di e ley, pero e advertencianan no a wordo incorpora den e proceso. Pa hopi observador, esaki ta mustra un preocupacion falta di respet pa e mecaniconan institucional cu ta proteha e Estado di Derecho na Aruba.
E decisionnan rond di e Ley di LIM ta cay directamente bou di responsabilidad di e Prome Ministro Mike Eman, cu tambe ta carga cu e cartera di Relacionnan di Reino. Debi na e caracter sensitivo di e ley y su impacto riba e relacion constitucional entre Aruba y e Reino, varios expertonan y analistanan politico ta opina cu e proceso mester tabata wordo maneha cu mas cautela, dialogo y respet pa conseho legal.
E manera cu e Gobierno AVP–FUTURO a actua durante e ultimo luna di aña ta lanta pregunta serio tocante transparencia, respet pa Parlamento y e balans di poder den e sistema democratico di Aruba. Mientrastanto cu e ciudadano tabata prepara pa un aña nobo, e pais ta drenta 2026 cu decisionnan importante ya tuma, sin cu hopi hende haya un comprension claro di con nan a wordo tuma ni cual lo ta nan impacto real.
Ademas, e manera cu e Ley di LIM a wordo presenta no ta duna claridad suficiente tocante ken ta responsabel pa cual cartera. E practica unda ministerio ta cambia di responsabilidad entre nan mes sin un base legal claro ta crea confusion institucional y insiguridad huridico, un desaroyo cu por resulta peligroso pa e funcionamento di un democracia solido.
Tur e elementonan aki, hunto, ta pinta un imagen preocupante di gobernacion y coordinacion den e coalicion AVP–FUTURO, cu ta pone en duda si e direccion actual ta realmente sirbi e interes di stabilidad, transparencia y futuro democratico di Aruba. Sinembargo e locuranan aki cu kier acceso den tur cartera y no ta pasa e LIM segun ley tin nomber y fam partido FUTURO , minister Gerlien Croes y Minister Geoffrey Wever cu kisas kier mas poder di loke nan por tin cu nan tres asiento ?
Minister Gerlien Croes a demostra cu no ta stima Pais Aruba y su intencion nan hunto cu Minister Geoffrey Wever realmente ta na bienestar di Aruba ?
A pesar di cu Parlamentario De Meza a presenta un amienda pa cambia e Ley di LIM di un amienda cu a ricibi apoyo di mayoria den Parlamento e Gobierno a sigui un otro caminda y no respeta e amienda. En luga di implementa e cambio aproba.
Segun varios observador politico, e maniobra aki a permiti e Gobierno evita e efecto di e amienda aproba pa Parlamento, y asina kita e boluntad democratico di e mayoria den parlamento. E forma cu e Ley di LIM a wordo reintroduci via e presupuesto ta lanta pregunta serio tocante transparencia, separacion di poder y respet pa procedemento parlamentario.
E resultado ta un situacion confuso y huridicamente vunerabel, unda un cambio formal aproba door di gobierno no ta wordo refleha den e ley final cu ta dirigi e pais abase di e reparticion principalmente ta saca un maneho di responsabilidad di prome minister di Aruba hinca esaki den un cartera di deporte di Minister Gerlien Croes kibrando tur ley existente y ta un mal voorbeeld politico pa Pais Aruba , Reino Hulandes y Mundo. Varios expertonan di derecho constitucional ta adverti cu un practica asina por debilita e Estado di Derecho y crea un precedente peligroso pa futuro proceso legislativo. Un situacion cu Minister Gerlien Croes y Geoffrey Wever di partido FUTURO ta causando den Aruba su estado di derecho.