LocalFeatured

MetaCorp a celebra cu empleadonan fiel

Rozina Theo And Team08

Un ehempel di lealtad y disciplina na trabou

E prestigioso compania MetaCorp hunto cu su subsidiarionan ATCO Aruba y EcoTech Freezone recientemente a celebra y honra dos empleado cu a cumpli respectivamente 45 aña y 25 aña di servicio. Un logro cu sigur ta di admira y aplaudi, cu ta bisa algo di tanto e trahado y e dunado di trabao. A celebra cu e hubilarionan durante un ceremonia special na Balashi Beergarden, den presencia di colega y algun pensionado. 

Eddie de Veer, CEO di MetaCorp y Guus Slabbekoorn, CFO di MetaCorp a presenta na e evento pa personalmente felicita e hubilarionan y alabes gradici nan pa e añanan di servicio. Den discurso di De Veer, el a subraya e importancia di tin empleadonan leal, cu disciplina y cu e compromiso pa sigui hiba e compania padilanti. MetaCorp ta consciente cu ta danki na empleadonan fiel asina, cu e compania a surpasa 100 aña di existencia y ta cla pa sigui crece y desaroya. 

Tocante Theodoor Wernet- 45 aña

Theo a cuminsa cu Victoria Bottling Company na aña 1977 y despues a sigui na Tropical Bottling Company, na New York Laundry N.V. y awor e ta trahando na EcoTech Freezone.

E ta un tremendo empleado, cu semper ta cumpli cu su tareanan, ta un persona hopi puntual y honesto. E semper ta cla pa yuda su coleganan, te hasta si no ta parti di su trabao. E ta un bon ehempel di loke ta un bon colega. Semper e tin un sugerencia con pa haci e trabao mas eficiente. 

Semper e ta contento y ta yega trabao cu e mesun entusiasmo y disciplina, mescos cu ta su prome dia di trabao. “Tur e bunita cualidadnan aki di Theo, nos mester pa nos mes como colega, trahado y como hende”, asina Edwards Jimenez, gerente di EcoTech Freezone, a conta durante su discurso.

Tocante Rozina Nava – Fradl 25 aña

Rozina a inicia su carera impresionante den MetaCorp na aña 1997, unda el a traha e prome diesun añanan. Aki Rozina a traha entre otro den e Internal Audit Department.

Na 2009, a promove Rozina como director financiero di ATCO, cu e tempo ey tabata un compania grandi consistiendo di Ecotech/Recycling-Operations/Garage-Batch/Blockplant.Na 2010 a converti e diferente departamentonan den un N.V. separa, cada un cu nan mesun director financiero, pa cual a apunta Rozina pa sigui cu ATCO Concrete Products N.V.Na aña 2021a haci otro cambio, Rozina a bira director financiero di ATCO Aruba N.V., Ecotech N.V., EcoTech Freezone y EcoGas. 

Robert Carrasquero, gerente di e grupo di compania aki a felicita Rozina den su discurso. E ta consider’e un colega  pasiona cu su trabao, responsabel, un persona cu bo por conta riba dje na tur momento y e ta traha tremendo como un parti di e ekipo.

MetaCorp hunto cu Ecotech, Ecotech Freezone, ATCO Aruba y EcoGas ta felicita y  gradici Rozina y Theodoor pa tur nan añanan di bon servicio y ta desea nan hopi aña mas di servicio y bon salud.

Theo Y Colega Nan13Theodoor Wernet 45 Anni12Theo Y Wendell11Rozina Y Robert10Theo Y Famia09Rozina Kim Glendeline John Sandra07Rozina 25 Cu Robert06Rozina 25 Anniversary05Pfc04Ecotech Team03Eddi Theo Y Edwards02Atco And Ecotech Ladies01Image00114

Related posts

Politico cu no tin propio pensamento y maneha pa su ex lider no por para fuerte pa Boneiro

EA News Author

Cu determinacion pa hiba nos pais dilanti den e siguiente gobernacion

EA News Author

Minister di finansas Xiomara Maduro: Ya caba a cuminsa cu presupuesto 2024

EA News Author

Leave a Comment

Whatsapp Message