ST MAARTEN/PHILIPSBURG – Minister di Salud Publico, Desaroyo Social y Trabao, sr. Richinel Brug, a duna un actualisacion tocante pashentnan di Sint Maarten cu actualmente ta ricibi cuido medico na exterior, den bista di desaroyonan resiente den region. Minister Brug a splica cu, for di cu tensionnan regional a cuminsa surgi, ministerio VSA y SZV tabata monitor e situacion y evaluando cualke impacto potencial riba mobilidad di pashent y continuidad di cuido. Como medida preventivo, SZV desde prome cu e desaroyonan di e siman pasa, ya a cuminsa facilita e regreso di pashentnan cu medicamente a ser libera pa biaha bek Sint Maarten for di Corsou y Colombia. Actualmente, tinainds 30 pashent cu necesidad di tratamento continuo na Corsou y Colombia. SZV y ministerio VSA ta coordinando activamente supervision medico y areglonan di biaha pa sigura cu e pashentnan aki por haña e cuido adekuado y regresa siguramente. Minister Brug a enfatisa cu e preparacionnan ey no ta un reaccion unico na e situacion regional actual. “Desde prome cu e desaroyonan recien, mi a instrui SZV pa explora opcionnan alternativo di cuido den region Caribe,” e minister a declara. E meta ta pa garantisa cu calidad y siguridad di cuido ta permanente e prioridad mas halto. Ministerio VSA y SZV ta sigui monitoria e situacion y lo informa e publico di cualke cambio cu ta impacta cuido di pashent.
Minister Brug ta informa di pashentnan na cuido Medico den Exterior
