SocialFeatured

Minister Dangui Oduber: Despues di 5 aña hopi dificil a logra negosha un contrato cu Canadian Bank note na beneficio di deporte

Pic Mindanguilottopadeporte01

Na momento cu Minister Dangui Oduber a drenta gobierno na aña 2017, un di su prome obhetivonan tawata pa renegosha e contract cu Canadian Bank Note (CBN). E reparticion no tawata uno husto caminda Canadian Bank Note despues di paga premionan y gastonan operacional ta keda cu 12 miyon y deporte ta keda cu 4 miyon.

Na aña 2017 despues cu AVP a perde eleccion a prolonga e nombracion di miembronan Raad van Toezicht (RVT) cu 4 aña. Esaki a haci cu a bira nan di 3 periodo cual ta algo cu totalmante empugna contra reglanan di bon gobernacion. Minister Oduber a dicidi di manda un carta di retiro pa activistanan di partido AVP cu tawata forma parti di e RVT pa asina por nombra un RVT cu si kier y ta dispuesto pa negosha cu e Canadesnan.

Consequentemente Minister Oduber a bai corte y den corte huez a para na banda di e miembronan di RVT y como tal Minister Oduber NO por a retira nan. E RVT aki di activistanan di AVP a secuestra Fundacion Lotto Pa Deporte pa 5 aña y tawata na aña 2021 cu nan periodo a yega su final cu colega minister Endy Croes a haya e oportunidad pa nombra su representantenan. Nos ta contento di mira cu e RVT nobo nombra pa minister Croes si tawata dispuesto pa sinta cu CBN y renegosha e contrato cu CBN cual a logra cu exito.

Un palabra di pabien na colega Minister Endy Croes cu e bunita logro aki cu sigur lo bay contribui na hopi desaroyonan positivo na bienestar di deporte y nos deportistanan. Nos ta mira cu e vision di partido MEP pa mehora infrastructura y percura pa facilidadnan haya artificial turf lo bira realidad.

 

Pic Mindanguilottopadeporte02Pic Mindanguilottopadeporte03

Related posts

SOGA ta pendiente riba proceso di renobacion di Hospital

EA News Author

Parlamentario Shailiny Tromp-Lee: Evelyn Wever-Croes a gana acceptacion y admiracion y a demostra di ta un digno lider pa MEP y Aruba

EA News Author

Preparacionnan ta continua pa e Ports nobo di Fort Bay na Januari 2023

EA News Author

Leave a Comment

Whatsapp Message