Parlamentario Dangui Oduber ta mira bek cu hopi satisfaccion y orguyo riba e logronan di su ministerio di turismo y salud e ultimo 8 añanan. E ta hopi contento di por a logra e mihor resultadonan di turismo den historia di pais Aruba. Resultadonan cu lo keda marca y scirbi como e añanan mas exitoso di nos turismo.
Como minister di turismo sr. Dangui Oduber a hiba un maneho cu tawata enfoca riba trece turistanan di calidad, diversifica nos turismo y haci inversionan den mehoracion di producto Aruba. Awe por mira bek con e maneho aki a duna resultado. Si repasa e indicadornan cu ta midi calidad di turistanan nos por conclui cu turistanan afluente y di calidad a bin Aruba durante periodo di gobernacion di minister Dangui Oduber.
E siguente indicadornan ta wordo laga atrás pa Minister Dangui Oduber, indicadornan cu ta midi e exito di Aruba su turismo:
Grado di ocupacion di 82%
Revpar di $297.51
Average daily rate di $364.28
E indicador di mas importante cu ta e tourism receipt cu ta midi cuanto placa turistanan ta laga atras den nos economia a yega casi 6 biyon florin na aña 2024. Turismo a produci placa, turismo a stimula economia, turismo a crea cuponan di trabou y oportunidadnan nobo pa hopi y nos ta satisfecho con esaki a bai durante e ultimo 2 periodo di gobernacion di gabiente Wever-Croes 1 y 2.
Aruba e registra casi 1.4 miyon turista stay over y 830.000 turista crucero.
Bou maneho di Minsiter Dangui Oduber a percura pa diversifica Aruba su turismo cu un cantidad di destinacionan nobo. Conforme e maneho cu a hiba di percura pa eleva producto Aruba a haci hopi inversionan den mehoracion di producto Aruba.
Asina por wak tur e proyectonan cu a keda entrega:
Upgrading di Baby Beach fase 1, 2 y 3
Upgrading Rodgers Beach
Boardwalk Malmok
Hooiberg
Beautification di Eagle Beach
Proyecto di camera di seguridad
Proyecto di buoys
Proyecto di Mangel Halto
Pa aña 2025 tin varios proyecto den ehecucion como tambe varios cu lo bai cuminsa:
Proyectonan den pleno ehecucion:
Canchanan Deportivo Baby Beach
Proyecto embeyecemento Rodgers Beach
Proyecto Alto Vista
Proyecto Mangel Halto
Gateway 2030 (ampliacion di nos aeropuerto)
Proyectonan cu lo bai cuminsa den 2025
Proyecto Kas Ariba
Ex edificio DOW
Welcome Festival Plaza
Linear Park AAA NV
Un proyecto sigur innovativo cu mester continua ta Aruba Happy One Pass (AHOP) cu lo percura pa facilita e experiencia di e turista pa e tin un seamless travel experience haciendo uso di digital travel credential. Un proyecto caminda lo haci uso di innovacion y technologia.
Pa hopi tempo a traha riba un proyecto di ley pa regula vacation rentals y lanta un compania nobo cu lo mester yama Aruba Quality Hospitality Authority cu su tarea mester ta controla, cobra y percura pa tur vacation rentals ta cumpli cu e condicionan stipula pa Gobierno di Aruba. E ley aki ta completamente cla y lo mester wordo trata dentro di poco den parlamento di Aruba.
Minister Dangui Oduber ta contento con e la laga Aruba su turismo atras. Un bon base y fundeshi pa un mihor mañan, un turismo solido, resiliente y sostenibel. Un turismo cu ta esun mihor den historia, un turismo record y produciendo 6 biyon florin pa nos economia. E la laga un maneho di hotel atras PA STOP tur construccion di mas hotel, cual ministerio di turismo ta spera cu e gobierno nobo lo haci uso di e instrumento aki pa para construccionan cu mester bini ainda.
Tur e proyectonan y logronan di minister Dangui Oduber ta danki na e team di ministerio di turismo. Un team dinamico, un team profesional , un team capaz cu ideanan creativo y innovativo cu minister ta agradecido pa nan sosten. Tur loke a wordo haci y logra ta a base di teamwork y nan sa cuanto esfuerzo a wordo haci bao di hopi tension y presion pero cu un bunita resultado pa proyectonan di embeyecemento di Aruba, proyectonan innovativo, diversificacion di nos turismo, maneho pa mehora calidad di turismo y percura pa un turismo solido y sostenibel. Danki pa nan sosten y apoyo.
Tambe un danki na henter e ekipo di ATA, APA, AAA, AHATA, ATSA, Aruba Vacation Rental Association pa nan sosten, cooperacion y bon synergia di trabou. Un ekipo cu a traha cu respet pa otro y Minister Dangui Oduber ta contento di tur logronan hunto.
Minister Dangui ta spera cu turismo sigui produci manera e la produci e ultimo añanan y cu lo percura pa crecemento economico. E ta spera cu bin un paro na construccion di mas hotel y e ta spera cu e mesun resultadonan positivo continua y cu tur proyecto laga atras sigui nan ehecucion y cu politica partidista no bai para proyectonan positivo pa Aruba su comunidad.
Aruba su comunidad.
Nos lo sa di controla y vigila cada decision cu por perhudica nos turismo cu ta nos unico pilar economico. – Minister Dangui Oduber
