Minister di Cultura Xiomara Maduro: Aruba ta pionero den proyecto “Coleccion Aruba“

Minister di Cultura Xiomara Maduro ta na Jamaica pa trabao, e mandatario tabata un di e keynote speaker na e conferencia di Acuril na Jamaica. E mandatario a haya oportunidad pa splica kico tur Aruba ta haci pa conserva nos herencia cultural haciendo uzo di tecnologia. 

Coleccion Aruba ta un di e ehempelnan con na Aruba ta traha pa asina conserva nos herencia cultural haciendo uzo di e tecnologia. Coleccion.aw ta un plataforma unda cu por haya conexcion  cu ta bin di biblioteca nacional, archivo nacional, UNOCA  y Monumentsfund Aruba,unda cu tur ta colabora pa asina haci e informacionnan di historia nan di Aruba accesibel pa tur esunnan cu mester haci investigacion of si tin mester pa scolnan of esunnan cu simplemente kier sa di nos historia, pero tambe pa e ciudadano tin na su alcance riba e parti cultural historico di Pais Aruba.  

Segun Minister di Cultura Xiomara Maduro Aruba un biaha mas ta e pionero den region di Caribe pa conserva locual ta informacionnan importante di cultura y historia di Pais Aruba. Mester bisa cu no ta solamente Arubiano nan tin acceso riba e historia nan aki, pero henter mundo lo por conoce nos un poco mas.