Mientras cu minister Geoffrey Wever a hunga politica manera e ta bin ta hunga na diferente aña y esenario caba , muestra di esaki ta con e la hunga RAIZ di patras y a hunga MEP di patras convenciendo tur opositor pa kibra e gobierno pa defende y para pa partido FUTURO hunto cu Gerlien Croes cu ta e FUTURO desaster di Pais Aruba.
Minister Geoffrey Wever cu su cara di lamchi ta indica cu no tin politica tras di situacion di abogado di DMP pero su mes un persona a kita e autorisacion pa DIMP no wordo representa pa un abogado. Sinembargo den un momento historico den corte, Luenne Gomez-Pieters, director di DIMP (Departamento di Impuesto), a demostra curashi i profesionalismo dor di defende su mes su departamento sin abogado durante e audiencia riba e caso di Mike de Meza.
Anteriormente DIMP tabata conta cu un abogado for di Curaçao pa representa nan, pero e politic cu a ser hunga tabata grandi. Despues di menasanan formal, presion politico y yamadanan di telefon histerico, e abogado a retira. Pero Gomez-Pieters no a dobla y a bay representa su departamento manera debe ser.
Den corte, aparte di tabata compaña pa huristanan di Gobierno, e inspectora mes a presenta su argumentonan claro i firme, sin miedo i sin debilidad trahando cu e leynan cu tin y cu ta e leynan cu e mester mantene su mes na dje. Gomez-Pieters a splica detayadamente conforme e ley, enfatisando cu DIMP a cumpli cu tur exigencianan legal den e caso di De Meza.
E hecho cu e mes a para defende su departamento ta un señal di integridad i liderazgo. E decision di Gomez-Pieters di hiba e caso su mes ta manda un mensahe fuerte: DIMP no ta na man di influencia externo. Ni partidonan politico, ni criticanan, ni abogadonan di otro pais lo a cambia e realidad fiscal. Den tur situacion un berdad tin y e berdad y realidad ey director di DIMP a bay pe.
Luenne Gomez-Pieters a proba cu e ley no ta pa haci wega y cu e departamento di impuesto no ta permiti cu politico of presion social influencia nan decisionnan, aunke cu minister Geoffrey Wever a trata si, a kita e derecho di directora di DIMP pa tin un abogado pa bay defende DIMP cu ta un departamento di Pais Aruba.