Minister di Finansa, Marinka Gumbs, tin e placer di informa maestronan di scol subsidia cu e tanto warda 2% Cost of Living Adjustment (COLA), cu a wordo otorga na empleadonan publico na september 2024, a wordo entrega na e scolnan subsidia desde siman pasa, y awor ta responsabilidad di e scolnan pa sigura cu e pago aki ta wordo haci na e maestronan.
E Minister ta duna di conoce cu e retonan cu e maestronan di scol cu ta ricibi subsidio ta enfrenta pa motibo di e pago atrasa di e aumento di 1% di vacacion allowance, e 1% di COLA paga na december 2023 na empleadonan publico, y e recientemente paga 2% di COLA. E retraso aki a tuma luga pasobra e asignacionnan necesario no a wordo inclui den e presupuesto di 2024.
Mirando den futuro, e Minister di Finansa ta sigura e maestronan cu e provisionnan pa e 2% di COLA y e 1% di aumento di e subsidio di vakantie pa aña 2025 a wordo inclui den e presupuesto pa aña 2025.
E Minister ta reafirma su compromiso pa mantene e maestronan di scol subsidia na altura di tur desaroyo y ta gradici nan pa nan pasenshi durante e proceso aki.