Ley ta papia na momento cu cualkier gobierno tin un proyecto y of cu ta bay cumpra , mester haci un destaho publico pa duna oportunidad na tur compania pa haya e mes un derecho pa ilustra nan interes pa duna nan prijsnan competitivo cu otro. Sinembargo den e conferencia di prensa ni e director di Post Aruba NV y tampoco e mandatario no por responsabilidad su mes riba e parti aki. Minister Geoffrey Wever un biaha mas ta trapando riba ley nan di Aruba ? Te ainda pueblo no a mira con e proceso a cana realmente y tampoco ni e directora y of e mandatario a menciona cuanto compania a forma parti di e destaho publico. Algo ta hole ?
Un investigacion ta na su luga, un biaha mas por mira cu e mandatario no ta uno integro y no ta transparente cu placa di pueblo. Sinembargo por mira cu e mandatario ta enfoca loke ta e marca di auto electronico, cu ta cuida medio ambiente , pero no ta papia nada si a haci un destaho publico conforme ley y cana e caminda corecto, ta mustra cu e mandatario a pik un compania di deseo of interes y duna e buged aki cu Pais Aruba mester bay paga sin cu a haci un destaho publico.