PoliticaLocal

Minister Marisol Lopez Tromp: President di parlamento a marca como un voto pro di e mocion di un persona cu no tabata den sala y cu no a vota

Minister Marisol Lopez Tromp Pa Gobernador

E combersacion cu gobernadora ta uno confidencial pero Minister Marisol Lopez Tromp a duna di conoce cu ta cla pa contesta preguntanan. Despues cu a caba di reuni cu gobernador a ta duna di conoce cu tin un mocion riba mesa cu ta invalido cu parlamento a vota pe cu 10 hende. Segun minister Marisol Lopez Tromp desde status aparte no tabatatin ningun mocion of  ley cu a pasa bao di 11 voto di parlamentarionan segun e mandatario.

Pa Minister Marisol Lopez Tromp e 10 /0 ta algo historico den sentido robes. Su mes tabata presidente di parlamento varios aña y e sa e proceduranan di kico por y kico no por. Sinembargo  minister Marisol lopez tromp den su consepto loke cu ta haci e situacion mas grave ta e echo cu durante di e votacion president di parlamento a hasta bay asina leu na laga marca como un voto pro di e mocion di un persona cu no tabata den sala y cu no a vota, minister Marisol Lopez Tromp ta referi aki na miembro di parlamento Alan Howell.

Segun Minister Marisol Lopez Tromp parlamentario Alan Howell no tabata presente y e procedura no ta corecto. Segun e mandatario esnan cu no sa con e procedura di votacion ta , cu pa ley bo mester ta presente den e sala pa bo por expresa bo voto y asina cu ta pafo di sala e parlamentario no por vota y bo no por tin un voto. Esaki ta pone cu no ta pornada cu e miembronan di parlamento cu no kier vota ta bandona e sala. Esaki ta un otro situacion cu ta presenta riba e procedura su mes di e parti di e echo cu e mocion no ta legal segun minister Marisol Lopez Tromp.

E procedura riba su mes tin fayo den dje y por mira hasta riba e tape cu e voorzitter riba su mes a pidi pa e griffier marca e resultado di e votacion y tambe e ta marca e resultado di e supuesto votacion di parlamentario Alan Howel cu segun minister Marisol lopez tromp no tabata presente. Segun e mandatario esey ta pone enbes cu e ta 10 / 0 e ta 9/ 0 esaki no ta algo cu ta conta cu entregidad, esey no ta un proseso cu bo ta bisa cu bo ta garga integridad den su ehecucion y minister Marisol lopez tromp ta kere cu esey ta algo grave, paso segun e mandatario e ta pone nos pais trece duda den proceduranan cu mester ta bon cla segun ley.

Banda di tur e  discucionnan cu tin caba tin e parti aki tambe riba dje.  Minister Marisol Lopez Tromp ta expresa cu mayan bo mester imagina bo mes si ta asina cu 10 voto , cu 10 hende bo por pasa un ley ? kiermen mayan si un hende lanta cu malbeis y ta yama un reunion anto nan kier cambia un ley y nan kier cambia esaki cu 7 of zero?

E mocion lo mester cana su caminda y si sr. thijsen ta pensa cu e ta legal anto e ta mande pa gobierno , den e caso aki minister president y den conseho di minister pa asina e cana su caminda anto pa asina e  yega gouverneur . Na e momento ey lo bay wak si e mocion ta valido y e ora e mester termina den un onslagbesluit  pa minister Marisol Lopez Tromp como minister. Of si e no ta  bay termina asina por bisa lo e mester vernietig y e ta algo cu no lo bay tuma luga. Minister Marisol Lopez Tromp ta sugeri pa no bay perde tempo mirando den loke Aruba ta pasando den dje y laga e proseso tuma su luga y e ora ey e por tuma su decision.

Related posts

Con nos por fortalece e relacion entre e paisnan

EA News Author

Vocero di DVG Jurette Croes : Awo vacuna ta gratis , e campaña di vacunacion no ta keda pa semper

EA News Author

Minister Glenbert Croes: Awe enseñansa pa empleo cu un total renobacion ta ofrece diferente curso

EA News Author

Leave a Comment

Whatsapp Message