Diaranson 7 di mei, Minister Wyatt-Ras a haya un presentacion for di Director di Servicio Veterinario, Riem van den Berg di tur servicio cu ta duna na pueblo cu ta inclui e servicio mas popular den comunidad cu ta abattoir.
Aki ta unda ta mata animalnan pa consumo di carni pero tambe ta haci e keuring di e animalnan prome cu mata esakinan pa consumo. Servicio Veterinario ademas ta e autoridad cu ta duna aprobacion pa importacion y exportacion di animalnan for di y pa exterior, tanto como mascota, pa cria, pero tambe pa carni pa consumo.
Minister Wyatt-Ras a keda impresiona cu e nivel sanitario di e facilidad di abattoir pero tambe di e laboratorio den cual ta haci nan analisis.