Motibo pa e encuentro aki ta cu Mandy Villasmil na maart venidero lo bay participa den e gemeenteraadsverkiezingen/eleccion municipal di Den Haag.
Den e combersacion Mandy a bisa cu su meta ta pa representa e populacion di Caribe Hulandes biba na Den Haag, especialmente e hoben studiantenan. Mandy ta number 8 riba lista di e partido local “CDA Den Haag”.
Minister Besaril tin hopi aprecio pa hobennan Arubano cu interes den politica, ta desea Mandy tur clase di exito den su intencion na drenta e conseho municipal di Den Haag y di logra su meta, ta spera cu e lo ta un di motornan pa e municipio keda tene cuenta na tur momento di e pluralismo y multiculturalidad cu e ciudad ta representa na Hulanda.
