Minister Plenipotenciario Suplente mr. Ady Thijsen a atende e conmemoracion nacional 15 augustus 1945. Riba e fecha aki e segundo guera mundial a termina oficial pa Reino Hulandes. Alabes ta recorda tur e victimanan di e guera na Asia contra Japon y e ocupacion di Japon di “Nederlands-Indië”.
Prome Minister di Hulanda Mark Rutte conhuntamente cu e secretario di Estado di Salubridad Publico, Bienestar General y Deporte Maarten van Ooijen a pone un krans den nomber di Conseho di Minister di Reino.
E conmemoracion e aña aki a wordo teni pa prome biaha 7or di anochi y despues di dos aña di corona por a conta cu un publico grandi cu a asisti na e conmemoracion na e “Indisch Monument” na Den Haag.