Segun Minister di Turismo Wendrick Cecilia, mientras e tension den region ta sigui, e contacto principal pa Aruba ta e Prome Minister, cu ta wordo actualisa regularmente riba e situacion geopolitico den area.
Na e momento, Aruba no a ricibi ningun informacion oficial di banda Mericano riba e incidente aereo reciente. Sinembargo, den medionan Mericano y Hulandes, e suceso a wordo menciona, motivando contacto directo cu e autoridad nautico pa obtene mas informacion. Te awor, ningun contesta oficial a wordo ricibi, segun Minister Cecilia.
E mandatario a enfatisa cu Aruba ta monitoria e situacion di cerca, pero e isla ta depende di informacion for di instancianan internacional.