FeaturedSocial

Minister Xiomara Maduro ta felicita ganadonan di competencia escolar di baile y fotografia – dia di himno y bandera 2024

Ganado Hb 2024 Competencia Baile Scol Basico

E aña aki Ministerio di Cultura conhuntamente cu Comision Celebracion Dianan Nacional a

organisa un competencia di baile di e jingle, “Aruba, Orguyo di nos tur”, na unda cu klasnan di scol

basico mester a crea un baile riba e jingle cu a ser componi y aregla pa e hoben talentoso Rygel

Isabella y cu a wordo canta pa e hoben Jetzenia Martines. Ademas di esaki a organisa un

competencia di fotografia pa muchanan di scol basico y scol preparatorio.

Ganado di Competencia di Baile Aruba Orguyo di Nos Tur:

Varios scol a participa den e comptencia di baile. E ganado di e competencia baile a resulta e

muchanan di Scol Basico Prinses Amalia – Klas 4B, kendenan a presenta un bunita baile.

Ganado Scol Basico Competencia di Fotografia Aruba Orguyo di Nos Tur:

E ganado a resulta e hoben Hayzey Arends di klas 4b di Colegio Conrado Coronel. E potret ganado

a wordo describi como lo siguiente: “Mi Aruba stima, ki orguyoso mi ta di tin bo como mi hogar. Cu

orguyo mi ta comparti mi cas cu hopi bishitante, cu kier bin admira bo beyesa sin igual. Nos

beachnan precioso y nos hendenan caluroso ta haci cu Aruba ta keda e Isla mas gusta y bishita. Na

mi Isla e subida y bahada di solo ta algo fenomenal”.

Ganado Scol Preparatorio Competencia di Fotografia Aruba Orguyo di Nos Tur:

E ganado a resulta e hoben Emmanuel Garcia di Scol Preparatorio Cayena. E potret ganado a wordo

describi como lo siguiente: “Mi ta sintimi orguyoso di e bunitesa di nos lama color blau scur bunita ,

cu ta rondona nos isla. Danki na e lama bunita aki nos tin hopi turista cu ta bin di afo pa disfruta di

nos dushi isla. Mi Aruba stima mi ta orguyoso di bisa Arubiano mi ta”.

Minister Xiomara Maduro y Comision Celebracion Dianan Nacional ta gradici tur scol y muchanan

pa a participa den e competencianan, como tambe danki na e docente y mayornan pa motiva y

brinda ayudo na nos muchanan, pa asina nan balora y aprecia mas Nos Dia Nacional, Dia di Himno

y Bandera y asina sigui sinti nan mes orguyoso di ta Arubiano. E simannan nos dilanti lo tuma tuma

contacto cu scolnan pa asina por entrega premio na e ganadonan.

 

Ganado Hb 2024 Competencia Fotografia Scol BasicoGanado Hb 2024 Competencia Fotografia Scol Preparatorio

Related posts

Pa fiscal Billy The King Piternella ta culpabel di violacion y maltrato

EA News Author

Minister Glenber Croes: Lo cuminsa cu positivismo pa Aruba Hydrogen Valley

EA News Author

AHATA Excellence 2021 Awards lo reconoce empleadonan excepcional

EA News Author

Leave a Comment

Whatsapp Message