PoliticaFeatured

Leonardo Figaroa: Nos ta boga pa un reparticion husto di e prima di AZV pa e pensioenadonan

Leonardo Figaroa

Durante mi preparacion mas y mas pensioenado ta asercami cu e pregunta di kico ta e vision
dimi y PDP regardando e pensioenadonan. Pami boso ta e hobenan adulto mayor cu a traha
duro durante e ultimo decadasnan. Pami como un hoben e ta sentimientonan di gratitud y
respet pa tur locual boso a logra, e logronan ey ami como un hoben di e futuro generacion por
disfruta awe. E trato pa cu e prima di AZV no ta justo y e argumento cu e pensioenadonan ta
haci mas uso di AZV forsandonan paga e prima completo mi ta haya uno inacceptabel.
Mep y gobierno su compromiso
Gobierno a priminti e pensioenadonan di lo a reduci e edad di pensioen pero no por a cunpli cu
esaki. E realidad ta otro cu e promesa populista aki. Mientras ta tira santo den wowo di e
pensioenadonan cu un forum nacional e thema mas importante pa e grupo grandi aki ningun
politico tin e curashi pa papia ariba dje. E prima di AZV. E ta importante pa menciona cu
subida di pensioen no automaticamente ta mehora e poder di compra di e pensioenado,
nettamente si e pensionado su pensioen keda aumenta e lo por asta cunduci cu e lo por cay
pafo di e maximo di 30 000 AWG cu consecuencia cu locual surpasa e suma aki riba menciona
e pensioenado lo mester paga no 6.5% sino 10.5%.
Nos ta compromete nos mes pa trece un alivio real pa e pensionado, mirando cu esaki ta
inhusto. Nos punto di salida ta e pakete di sobrivevencia unda nos ta kere cu sierto toeslagen lo
mester keda introduci pa por remedia e situacion di costo di bida cu ta keda subi tur dia.
Nos proposicion
E realidad ta cu Aruba tin mester di cada sorto di impuesto pa por cunpli cu e tarea collectivo cu
sector priva lo no facilmente inverti aden. Cu e acuerdonan cu kabinete wever-croes II a firma
cu hulanda pa los af mas o menos 30 miyon na interes riba e covid-liquiditeitssteun no ta haci e
situacion financiero facil pa e siguiente gobierno.
Un di tareanan aki ta cuido medico y nos sa cu e BAZV ta un ‘bestemmingsheffing’ cu full
pueblo di Aruba ta paga pa entre otro nos systema di cuido medico keda accesibel pa tur
cuidadano.
Nos proposicion ta pa habri un dialogo y yega na un reparticion di e prima di AZV mas justo pa
e grupo di pensioenadonan.
1. Reduci e premie-inkomen/premie loongrens pa e grupo di pensionadonan na un suma di
AWG 40 000. E werkgevers gedeelte ta keda elemina!
2. Introduci un prima standaard, un basis-premie pa e pensionado cu lo no surpasa mas di
5% di e entreda di e pensionado mensualmente, esaki ta significa pa e pensionado

‘alleenstande’ mas o menos 60fl pa luna cu lo traduci na 700fl pa anja. Gobierno lo
genera ainda 30 miyon na entreda pa cubri gastonan medico.
3. Gradualmente introduci e 1,5% AZV riba e empleadonan pa cubri e gasto di perdida di
gobierno. E prima social pa empleadonan lo keda aumenta, pero den e pakete di
sobrevivencia lo nos introduci metado di compensacion pa e famianan mas affecta.
4. Introduci un sugar tax dentro di 3 aña pa yuda cubri gastonan di salud y promove un
cuido mas preventivo mediante cambiando e palabra di e meta den e Landsverordening
Algemene ziekteverzekering, di ‘curatief pa preventief’. E sugar tax lo incera 2% cu un
reparticion na un fondo pa agricultura, deporte y AZV.
Hopi lo haci e pregunta dicon mas impuesto?
Nos como organisacion ta consciente cu e manehonan cu implicacionan grave di partidonan
MEP y AVP ta conduci cu pais Aruba tin un GIGA-debe y esaki nos tin cu reduci prome cu nos
papia riba inversion. Pa ami e introduction di un ‘ pakete di sobrevivencia’ ta locual nos ta
kere ta bay brinda un alivio pa combati y reduci sustancialmente e pobreza structural di nos
Isla. E ta consist no solamente di introducion di differente toeslag pa e cuidadano pero tambe
papia riba con nos lo por reduci e gastonanan basico di e cuidadano, manera awa coriente
cuminda y gasoline.

Related posts

Aruba Bank a aporta na concierto “Tropical” di Denzil Tromp y Stephen Diaz

EA News Author

Resumen di casonan di covid-19 na Aruba pa awe.

EA News Author

Crisis team ta monitorea desaroyo na inglatera di serca

EA News Author

Leave a Comment

Whatsapp Message