Minister di Finansas Xiomara Maduro ta conoci di ta un mandatario hopi critico y na momento cu logica di un decision keda critica pa opositornan commercial cu ta gelink y vincula cu politica, aunke cu nan ta haya tur informacion detaya con e situacion di Aruba ta tog ta opta pa trece un discordia y pleito den pueblo. E mandatario den su medio social a expresa ,Ami ta lamenta cu tin hende no ta compronde cu tin un crisis di salud na unda cu Paisnan rond di nos sea ta den shelter in place of a lockdown ya cu casonan ta birando mas y mas. No ban haci wega politico cu bida di hende. Ya caba HOH no por bay atende otro casonan y abo como presidente di KVK kier bin haci manera cu ta politikeria ami kier haci? E asunto aki ta serio y ma haya instruccion di Crisisteam pa decreta ciere. Bida di hende ta mi presion Sr. Omar Tromp. Acaso politica ta bo presion?. Asina e mandatario a duna di conoce claramente riba su red social. Ultimo dianan tras di lomba por a tuma nota tambe cu KVK a sinta cu minister di salubridad publico Dangui Oduber y tambe su persona como minister di Finansas unda cu KVK a haya tur detaye y ta di lamenta cu aunke tur tin informacion con e situacion delicado di Aruba ta, Presidente di KVK ta scoge pa sali afo y contradici desicionnan tuma pa proteccion di pueblo di Aruba.
Minister Xiomara Maduro: Ta lamenta cu tin hende no ta compronde cu tin un crisis di salud na Aruba
